E trabou di un partido Social Democrata manera MEP ta pa busca e opcionnan mas economico cu ta beneficia henter pueblo. Nos kier logra un miho bida y futuro pa tur. “Educacion ta e arma mas poderoso pa cambia mundo.”, esey ta e famoso quote di Nelson Mandela dfm. Ta p’esey nos mester enfoca riba enseñansa pa asina preveni problemanan economico, social y hudicial den nos comunidad. Durante campaña 2013 y tur e cuater añanan despues, mi a informa pueblo caba cu tin opcionnan mas economico na Universidadnan sumamente recomenda y prestigioso pa nos hobennan por bay studia.
Estudionan na Ingles, cu pa hopi studiante ta un idioma cu nan por adkiri mas lihe of cu nan ta domina miho cu Hulandes. Enbes cu Gobierno di AVP y specificamente Michelle Hooijboer-Winklaar busca opcionnan cu ta pas pa tur hende su budget of pa preveni cu nos hobennan y nan mayornan ta hinca nan mes den debe, el a bin cu e opcion mas caro. Tuition Fee na Canada pa studiantenan Internacional ta cuminsa na 10.000 USD.
Hasta si Michelle Hooijboer a negocia un prijs mas abou, e no lo baha bou di e prijs di un residente cual ta USD 4500. Mientras cu na Suecia, nan a introduci un reduccion di Tuition fee pa EU-students na 2011. Minister di Enseñansa of Gobierno por a traha pa crea e oportunidad pa haci nos yiunan ta gelijkgesteld na studiantenan di EU of percura pa nos studiantenan haya e mesun derechonan como cu nos ta un LGO (Land/Gebied Overzee) di un pais di EU. Si esey no a logra, ainda nos yiunan di tera por a opta pa studia na Alemania. Desde 2013 nan a haci tur Universidad Publico GRATIS pa studiantenan local y Internacional. Nan ta ofrece tur estudio cual ta mas cu 400 diferente Bachelor y Master program, na Aleman y Ingles. Michelle Hooijboer a gaña nos tur: maestro, mayor y studiantenan.
El a promove estudionan pa esnan di un clase social mas halto. Pero semper nos a keda controla su actonan te cu awor, despues di Insure2Study Gate cu a pon’e sinti berguensa di a abusa di e confiansa di pueblo. MEP no a stop, nos a bolbe expone su mal maneho den e caso di e GED program na e scol priva ISA. MEP ta e partido cu a logra pone Michelle retira di politica despues cu nos a expone su ISA-Gate, caminda el a fix pa e scol priva di su yiunan haya miyones di placa di pueblo pa un estudio cu nos studiantenan por haci casi free ONLINE. Ta p’esey, 22 di september, mi ta convenci cu idealismo lo bay vence materialismo!! Pueblo lo ta miho informa y mas consciente pa sa pa ken nan ta bay vota. Pa mi esey ta primordial!! Campaña a cuminsa trempan pa pueblo por tin debido tempo pa informa su mes y orienta su mes. Mi ta convenci cu MEP ta e unico partido cu por trece e cambio necesario pa henter pueblo di Aruba por tin un miho futuro.
