Na 2018 a registra 318 suicidio, di acuerdo cu e datonan di estadistica di Polis di e gobierno di Daniel Ortega. Esey tabata e aña cu e crisis profundo a cuminsa afecta e pais.
E number ta representa un aumento di 12% compara cu aña 2017 (218) y di 17% compara cu 2016 (265). E psicologonan Alba Rony y Ledia Gutierres a sigura cu e crisis socio politico di e pais a influi den e aumento di casonan ey y ta probabel cu e cifra lo aumenta ainda mas e aña aki.
E dos profesional a afirma cu, den transcurso di 2019, den nan consultorio nan a ricibi mas caso di pashent cu intento di suicidio y cu nan ta relaciona cu e situacion cu Nicaragua ta atravesa.
“Ora nos tin un fenomeno social cu ta lastrando e estado emocional y mental di e personanan, e ser humano ta keda vulnerabel pa cualkier situacion. E homber ta suheto pa sinti cu ta e proveedo di e famia, ora nan ta wak e desempleo y escasez pa via di e mesun crisis, esey ta pone nan mas vulnerabel”, Rony a sigura. Mas di 80% di casonan tabata homber.
Den tanto, e psicologo Cirilo Otero tambe a bisa cu e estadistica di Polis no ta confiabel, debi cu nan ta e brasa represor di e gobierno di Ortega. “Na Nicaragua no tin estadistica confiabel, ni sistemico. No ta berdad cu ta hiba un control estadistico transparente, pasobra ta duda di Polis”, el a expresa.
