Minister di Salud, Bruno Bruins a adverti e industria farmaceutico cu e ta considera cu no ta mas habri dicon nan prijsnan ta asina halto y esaki ta inaceptabel. Den un carta habri na Volkskrant, e Minister a bisa cu sociedad “no por acepta cu costonan di atencion medico aumenta tanto y bira impagabel”. E gasto di hospital y medicamentonan caro a aumenta cu 10% na 2017 y awo a alcansa €2.2bn.
Tratamentonan cu ta costa 100.000 euro pa aña ya no ta excepcion mas, e Minister a bisa. “Locual ta molestiami, ta cu nos no mag di sa dicon nos tin cu paga asina hopi”, e Minister a bisa. Sin ningun idea di e calculacion di prijs. Y mi ta considera esaki inaceptabel. “Na otro parti e servicio di salud, e proveedornan, pashentnan y gerentenan ta traha hunto pa asina mantene e costonan bou control, pero esaki ta “extremadamente marga” cu un hungado asina importante manera e industria farmaceutico no ta asumi suficiente responsabilidad, e Minister a bisa.
A bisa tambe cu e tin plania pa tene combersacionnan den proximo simannan cu un compania farmaceutico cu a aumenta e prijs di un remedi na mas o menos €150,000 per pashent pa aña. E contribuyentenan ta financiando e desaroyo costoso di medicamentonan, segun un informe, e empresanan grandi farmaceutico ta critica e plannan Hulandes di reduci e prijs di medicamentonan. Sin un splicacion adecua, e Minister a bisa cu e lo tuma medidanan cu por inclui bayendo publico cu esaki.
E Minister ta bisa cu, mientras e ta evaluando empresanan farmaceutico, nan mester por demostra cu nan ta socialmente responsabel “den nan propio interes”. Un inversionista principalmente Hulandes ya a bisa cu nan no lo inverti den empresanan farmaceutico sin prijsnan cu no ta aclaria, e Minister a bisa y ‘agrega cu mas lo sigui?’. E companianan di seguro VGZ y ASN recientemente a tuma e decision aki, Volkskrant a bisa.
Amcham
Na februari, e companianan farmaceutico stranhero na Hulanda a bisa cu nan ta preocupa cu gobierno ta sofocando e clima di negoshi pa purba baha e prijs di medicamentonan. E companianan, inclui e unidad di MSD, Gilead y Johnson & Johnson unit Janssen ta miembronan di Amcham, e Camara di Comercio Mericano na Hulanda, cu a skirbi Bruins pidiendo pa pensa esaki un biaha mas. E organisacion a bisa cu Bruins no ta suficientemente consciente di e inversion necesario pa desaroya medicamentonan nobo y pa debolbimento di inversion na e sector awo a reduci na 1.9%
