Sur Korea a informa tocante prome morto pa e virus nobo. E alcalde di un ciudad a bisa cu 2.5 miyon di persona a permanece paden pa motibo di infeccion vincula cu congregacion di un misa.
E morto ta bira number nuebe confirma di e virus pafo di China. A produci otro morto na Francia, Hong Kong, Hapon, Filipinas y Taiwan. Centro pa control di prevencion di malesa di Korea a bisa cu e hende homber ta kere tin 63 aña di edad a muri den hospital.
Autoridad a bisa cu el a keda hospitalisa pa motibo di schizofrenia durante un periodo prolonga y recientemente a sufri sintoma di neumonia. Centro tambe a confirma 22 caso adicional di e virus na e pais cu ta subi na 104 persona.
Alcalde a insisti pa ciudadano keda na nan cas y usa mascara, incluyendo den parti interior si ta posibel. Den un conferencia di presna, alcalde Kwon Young-jin a expresa su temor pa infeccion creciente di e region cu pronto lo abruma sistema di salud na e ciudad y pidi yudansa urgente na gobierno central.
Centro di control y prevencion di malesa di Korea a bisa cu 49 di e 73 casonan nobo confirma na e region den ultimo dia, a bay na e misa di ciudad Daegu pa motibo cu un pashent cu e virus a confirma di bay eynan.
Un pashent hende muhe di ongeveer 60 aña di edad a bisa cu e no a haci niun biahe na extranhero, segun trahado di centro. El a haya resultado positivo pa e virus. Director di centro, Jung Eun-kyeong a bisa cu ainda no ta cla si e ta esun cu a contagia otro cu malesa of simplemente ta e prome pashent detecta cu e virus. Jung a bisa cu autoridad a examina un 1.000 persona cu atende e mesun misa Shincheonji di Jesus riba 9 y 16 februari y a pone den aislacion den domincilio.
