Surplus comercial di Brasil a keda na mas di US$ 62 biyon pa e aña

(G-1/OGlobo) – E balansa comercial Brasileño a registra un surplus di  US$ 3,54 biyon na november, segun informacion di Ministerio di Industria, Comercio Exterior y Servicio (MDIC).

Esey ta representa un reduccion compara cu e mesun luna di aña pasa, tempo cu e suma positivo tabata US$ 4,75 biyon, di acuerdo cu datonan oficial.

Sin embargo,  secretario di Comercio Exterior di Ministerio di Industria, Abrão Neto, a observa cu na november di aña pasa tabatin exportacion di dos plataforma di petroleo na un balor di US$ 1,9 biyon, loke a influencia e resultado.

El a declara tambe cu tradicionalmente luna di december ta representa un surplus considerabel. Pa e luna di december aki, e ministerio ta anticipa un saldo positivo di  entre US$ 3 y US$ 8 biyon.

Saldo record pa aña
E saldo positivo acumula pa 11 luna di e aña aki (US$ 62 biyon), ta representa un record pa e pais den 29 aña, desde 1989. Aña pasa tambe tabatin un surplus den prome 11 luna, pero di US$ 43,2 biyon, cu tabata e record te e momento ey.

Tabatin un crecemento di exportacion di producto basico (+26,5%) y di producto semimanufatura (+3,1%), mientras exportacion di producto manufactura a baha (-14,2%).

Di banda di importacion a crece e compra di combustibel y lubricante (+69,2%), di mashin y ekipo pa produccion (+10,8%), di bienes intermediario (+6,7%) y tambe di bienes di consumo (+20%).

Pronostico pa 2017
Expectativa di mercado financiero pa  e aña aki ta, segun Banco Central di Brasil, cu e saldo positivo di e balansa comercial lo alcansa US$ 65,5 biyon. Banco Central ta premira un surplus di balansa comercial di US$ 61 biyon, mientras cu ministerio di Desaroyo ta calcula un saldo comercial positivo di entre US$ 65 y US$ 70 biyon pa e aña aki, den tur caso un record nobo.

 

You May Also Like

Chile:Temblor di magnitud 6,7 a sacudi e zona Centro Norte diasabra pasa

Un temblor di magnitud 6,7 a sacudi e zona Centro Norte di Chile diasabra ...

Venezuela: Asamblea Nacional ta declara cu tin un estado “promotor di terorismo”

Asamblea Nacional (AN) di Venezuela a aproba ayera un acuerdo pa declara cu na ...

Tiroteo na casino di Chile a laga dos morto

Diadomingo Osvaldo Campos, un ciudadano Chileno  a cuminsa un tiroteo na casino Monticello, cerca ...

PDVSA den problema grandi na Bonaire

(lapatilla.com/Reuters) – E empresa petrolero Venezolano PDVSA por perde su licencia pa opera un ...

Venezuelan-President-Nicolas-Maduro-AFP-800x430.jpg

Presidente Maduro ta nombra cuatro ministro nobo

(lapatilla.com) .- Den su programa Los Domingos Con Maduro, cu Venezolana de Televisión ta ...