Un homber na Florida, Merca, a scapa bida di su yiu na momento cu el a persigui un otro homber cu a horta su auto mientras su yiu ainda tabata den dje. 

Tabata diasabra ultimo cu un homber cu a baha pa bisa ayo na algun amigo, a haye cu un sorpresa inagradabel. E victima, di kende su identificacion no ta conoci, a laga e auto sendi cu su yiu di 6 aña sinta patras, mientras e tabata despidi. Eynan ta unda e sospechoso, Lamar Thurman di 29, a probecha y a sali bay cu e auto.

Dibiaha e victima hunto cu algun amigo a sali bay tras di e sospechoso y durante e persecusion, e tata desespera a los algun tiro. Thurman a accidenta e auto, a keda pega pero despues a logra di scapa y sigui core direccion oost di Florida. Despues di a accidenta e auto pa di dos biaha, a logra di detene Thurman, kende tabata herida di varios cu el a ricibi. E sospechoso tabata na hospital te cu ayera y polis di Florida no a anuncia cu lo tin un demanda den su contra.

“Evidencianan cu nos a haya y declaracionnan di testigonan ta consistente cu locual e victima a declara cerca nos”, un vocero di polis a bisa. “E sospechoso no tin niun tipo di vinculo cu e victima y e caso aki ainda ta habri y bou di investigacion.”

Potret adhunto ta di e sospechoso Lamar Thurman, cortesia di abcnews.com