Tur cos ta cla pa reapertura di Oficina di Turismo na San Nicolas

E reapertura di Oficina di Turismo na San Nicolas ta practicamente un realidad. Durante un entrevista corto cu Bon Dia Aruba, e mandatario encarga cu Turismo, Dangui Oduber, ta splica cu “esaki ta un otro paso firme pa stimula desaroyo na San Nicolas.”

Minister Dangui Oduber ta bisa na Bon Dia Aruba, cu un parti importante di su maneho como minister ta encera pa crea oportunidadnan nobo pa nos comunidad. Pa e motibo aki, ta enfocando hopi riba San Nicolas, tumando na cuenta cu durante hopi aña el a ser lubida. “Nos ta invertiendo den entre otro renobacion di Imsan, proyecto di Prinses Christina School, Baby Beach, Rodgers Beach y hopi otro mas”, minister Dangui Oduber a bisa.

E mandatario ta di opinion cu ta di sumo importancia pa e parti turistico tambe ta uno atractivo pa San Nicolas, tumando na cuenta cu esaki ta nos pilar economico di mas grandi na Aruba. Minister Dangui Oduber: “San Nicolas tin hopi pa ofrece, e ta rico na cultura y e amabilidad di su hendenan por ser sinti unda cu bo bira. No tin duda cu turistanan lo encanta tur cos cu San Nicolas tin pa ofrece.”

Diahuebs awo lo tin un acto di ceremonia na e Visitor Information Center na San Nicolas pa asina duna inicio oficial na e reapertura na e Oficina di Turismo na San Nicolas.

You May Also Like

Mas accion na caminda contra prostitucion ilegal

Trudy Hassel a bisa cu for di cu su persona hunto cu sr. Matos ...

24Jun,JO, Eagle2.JPG

ATA: Proyecto di Kiosco y bañonan na Eagle Beach ta un concepto necesario

Isha Tapias-Kock, specialista di Producto na Aruba Tourism Authority (ATA)  ta splica Bon Dia ...

RIU: nos ta controla activamente riba trahado ilegal

E cadena hotelero RIU tin dos hotel na Aruba y ambos a sali diferente ...

Proceso di analisis di casonan di risico di maltrato familiar lo inicia

Minister di Husticia Andin Bikker a cuestiona cu durante e ultimo gobernacion aspecto social ...

4 FEB, SH, Asbest (1).jpg

Kitamento di tubonan di asbest na Playa ta continua

 Trahadonan di Arubaanse Wegenbouw ta kitando tubonan di asbest entre otro den Schelpstraat pa ...