Departamento di Asunto Economico, Comercio y Industria (DEACI), pa medio di su unidad IDEA ta organisa pa di seis biaha e famoso tayer special desaroya pa pensionadonan y personanan cu den futuro cercano lo bay cu pensioen.
E tayer aki ta destina pa esnan cu ta desea pa sigui uza nan experiencia profesional den nan propio negoshi. Y tambe pa esnan cu ta puntra nan mes: “Con mi por cuminsa?”, “Kico mi por haci awor?” of pa empresario cu ya caba tin nan negoshi pero kier sigui desaroya y mantene nan mes na altura di e ultimo desaroyonan.
No laga e oportunidad unico aki pasa! Bin participa den nos tayer y beneficia di hopi informacion practico y relevante.
E topiconan cu ta bay trata durante e dos dianan di tayer ta:
Artificial Intelligence (AI) – E participantenan lo haya oportunidad pa conoce y explora e mundo di AI, y siña con nan por integra e tecnologia aki den nan negoshi.
Motivating & Communicating ‘Across Generations’ – E participantenan lo haya
motivacion y strategianan efectivo pa comunica cu diferente generacionnan manera: Baby Boomers, Generation X, Generation Y (Millennials), Generation Z y, Xennials’.
Detayenan di e evento:
Fecha : 24 y 25 di juni 2026
Orario : 9:00 am – 12:00 pm
Localidad: Cas Veneranda, Wilhelminastraat # 7, Oranjestad
Participacion: Gratis
Solamente personanan cu ta dispuesto pa participa durante tur dos dia di tayer y cu tin 60 aña of mas, por registra nan mes via e siguiente email: j.trim@deaci.aw.
Pa mas informacion por yama IDEA na telefon #: 521-2440 / 521-2439.
Cupo ta limita. Registra na tempo; nos ta warda bo!
E tayer aki ta forma parti di e maneho di Ministerio di Asuntonan Economico pa stimula y fortalece entrepreneurship na Aruba.
