Te ainda trafico maritimo entre Aruba y Venezuela no a keda reestableci

Un siman despues cu prome minister, Evelyn Wever-Croes (MEP) a anuncia cu Venezuela a lanta e embargo cu a pone riba Aruba, ainda e trafico marino bilateral no a wordo reestableci, pero si e trafico aereo.

E mandatario ta sigura cu el a haya e documento cu a keda firma oficialmente pa lanta e embargo. El a hay’e for di man di nos departamentonan cu a su bes a hay’e for di Venezuela.

E ta e mesun documento cu tabata circula y cu el a yega na dje. Pa loke ta trata e credencial diplomatico di e consul di Venezuela nobo pa Aruba, prome minister a bisa cu e tema aki a wordo papia na Venezuela. Sinembargo Hulanda a bisa cu e asunto di e consul nobo no por wordo acopla riba asunto di e lantamento di e embargo. “E proceso di acreditacion di e consul tabata andando y e ta andando ainda. Riba esey mi no por duna un novedad aworaki. Pero si tin algo nos ta laga sa.”

Diabierna 6 di april ultimo, minister di relacion exterior di Hulanda Stef Blok, a firma un acuerdo cu vice-presidente di Venezuela pa lanta oficialmente e embargo cu Venezuela a impone riba nos pais. Den e protocol aki a keda palabra cu gruponan di trabou lo bay reuni pa fiha kico ta e rekisitonan cu ta necesario pa e trafico aereo y maritimo por tuma luga den forma ilimita.

Prome minister a informa cu te ainda e grupo di trabou no a bin hunto, mientras si nos autoridadnan local a reuni mesora. Nan a traha riba e punto di deliberacion y negociacion, y nan ta wardado riba e prome señal cu ta bin di Corsou y Venezuela pa e grupo di trabou por bin hunto. Mientras tanto e trafico maritimo no a bin bek na normalidad, pasobra te ainda no tin palabracion haci.

You May Also Like

Casino Excelsior

Di cuater sospechoso deteni caso Excelsior

Den e robo riba casion Excelsior polis a logra pone man riba e di ...

Protesta chauffeurnan di truck ta termina

Dialuna mainta e caminda dilanti Bestuur Kantoor tabata  completamente blokia pa trucknan di diferente ...

Parlamentario Bikker a presenta ‘test case’ historico na Hulanda

DEN HAAG – Parlamentario Andin Bikker (PDR) a caba di presenta e test case ...

Daphne-Lejuez-KvK.jpg

Opinion cu no ta bin for di dje como presidente ta opinion personal

“Camara di Comercio su vocero ta su presidente”, asina presidente di e institucion aki, ...

Gobierno di Aruba preocupa cu medida di Venezuela

Gobierno di Aruba ta reacciona riba medida di Venezuala; tin algun Arubano pega na ...