(AP) — Telescop espacial Hubble mester ta back den accion pronto, despues di un trabao dificil di reparacion remoto di NASA.
E observatorio den orbita a bay den scuridad pa mita di juni ultimo, loke a pone un paro na tur observacion astronomico.
NASA inicialmente a sospecha cu un computer di era di 1980 tabata e fuente di e problema. Pero despues cu e computer di sosten tambe a faya, controladornan di vuelo na e Centro di Vuelo Espacial Goddard na Maryland a enfoca riba e unidad di comando y data mas grandi y mas confiabel di e instrumento cientifico, instala pa astronautanan durante un caminata na aña 2009.
Ingenieronan exitosamente a haci e cambio na e ekipo di backup diahuebs ultimo, y e computer crucial a drenta den accion. NASA a bisa diabierna cu observacionnan cientifico mester reanuda rapidamente si tur cos bay bon.
Un cambio similar a tuma luga na 2008 despues cu parti di e sistema antiguo a faya.
“Pabien na e team!” hefe di mision cientifico di NASA, Thomas Zurbuchen a tweet.
Lansa na 1990, Hubble a haci mas di 1.5 miyon observacion di universo. NASA a lansa cinco misionnan di reparacion na e telescop durante e programa di shuttle espacial. E ultimo reparacion tabata na 2009.
NASA tin plan pa lansa e sucesor di Hubble, e Telescop Espacial James Webb, pa fin di aña.
