Un temblor describi door di presidente di Mexico manera esun di mas pisa cu e pais a yega di experiencia den e siglo aki na e costa sur, cu te ainda seis persona confirma morto. Un persona a fayece tambe na Guatemala. E temblor tabata uno di 8.2 magnitud cu a dal den e costa Pacifico, 87km zuid/oost di Pijijiapan.

Un alerta di tsunami a wordo lanta pa Mexico, cu olanan di tres meter largo posibel pa otro paisnan den cercania.  Mas o menos 50 miyon di hende mester a sinti e temblor aki anto tin hopi chens cu e cantidad di morto lo por subi segun e presidente di Mexico.