Aviso pa no biaha, manifestantenan riba caya, tanker militar cu a pasa trapa riba ciudadanonan, blokeo di canalnan di television internacional, militarnan cu a bandona e banda di Nicolas Maduro y hopi mas ta loke ta e situacion actualmente na Venezuela. E tension ta halto, y di loke fuentenan rond mundo ta raporta: Tur esfuerso ta ser haci pa ‘benta abou’ e gobierno di Nicolas Maduro.

Desde oranan di trempan e yamado a cuminsa na ciudadanonan Venezolano pa lanta ariba y lucha contra di loke ta ser catagolisa manera e ‘regimen di Maduro’. E auto proclama vice presidente di Venezuela, Juan Guiado, kende alabes ta esun cu bo por considera ta liderando e oposicion, ta haciendo tur intento pa bin un ‘golpe de estado’. Na kico e manifestacion di awe lo yega na dje no ta conoci ainda. Mas informacion lo sigui aki rato y/of den nos edicion di corant di diauebs 2 di mei.

Potret uza ta di archivo y ta di e prome manifestacion lidera pa Guaido. E ta solamente pa proposito ilustrativo.