Iowa Democratic Party chairman Troy Price speaks about the delay in Iowa caucus results Tuesday, Feb. 4, 2020, in Des Moines, Iowa. (AP Photo/Charlie Neibergall)

Dialuna anochi no por a bay miho pa esunnan online cu a pasa añanan propagando teorianan di conspiracion falso riba internet cu eleccion Mericano ta falsifica of vulnerabel pa manipulacion.

E retraso den resultadonan di eleccion di Iowa caucus a revela cu algun sostenedo di candidatonan Democrata ta asina desconfia di e resultado cu nan a yena internet cu declaracionnan sin prueba acusando Partido Democrata di corupcion, door di purba di manipula eleccion na fabor di un candidato.

Presidente Donald Trump y su sostenedonan a probecha di e desconfiansa mandando tweetnan dialuna nochi cu #RiggedElection. Yiunan homber di Trump a grita ‘Falsifica!) na un evento di campaña na Iowa. Y senador Republicano, Lindsey Graham a sugeri den un tweet cu problemanan di e caucus tabata resultado di un ‘Bernie blowout’.

Ta e tipo di teoria di conspiracion cu expertonan ta teme lo afecta e careda presidencial e aña aki te cu dia di eleccion.

Den lunanan recien, usuarionan di rednan social a promove teorianan di conspiracion riba e legitimidad di resultadonan di eleccion na e pais, for di un careda gubernamental na Kentucky te cu careda estatal na Virgina.

E tweetnan dialuna a cuminsa plama algun minuut despues cu Partido Democrata di Iowa a anuncia cu tabata revisando e resultadonan pa ‘control di calidad’. E app cu e partido a usa pa colecta resultadonan dialuna a sufri fayonan tecnico cu a laga e resultadonan den limbo te cu diamars.

“Calidad di control = falsifica?” manager di campaña di Trump, Brad Parscale a bisa den un tweet cu a wordo like y comparti mas di 20mil biaha.

Mientras e retraso di resultadonan final a sigui te cu diamars, usuarionan di rednan social a comparti teoria di schemanan compleho cu a lansa pa tene e resultadonan scondi pa asina socava cierto candidato, manera senador Bernie Sanders. Hopi di e tweetnan a sugeri cu Partido Democrata of Convencion Nacional Democrata intencionalmente a daña e resultadonan di e caucus, maske Partido Democrata di Iowa a administra caucus dialuna.

E teorianan di conspiracion online, den algun caso tabata basa riba declaracionnan facilmente desmenti.

Por ehempel, post riba Twitter y Facebook falsamente a sugeri cu candidato presidencial democrata Hillary Clinton, oponente di Sanders den primario na 2016, tabatin un man den desaroya e app fracasa cu a usa pa colecta resultado na Iowa. Dunando impulso na e desconfiansa tabata e hecho cu tres di e ehecutivonan senior na Shadow Inc., cu a crea e app, anteriormente a traha pa e campaña fracasa di Clinton.

Otronan a culpa candidato presidencial Democrata, Pete Buttigieg, ex- alcalde di South Bend, Indiana. Nan a insisti cu el a logra un scam pa retrasa resultadonan cu ayudo di e partido. Otronan a insisti eroneamente cu campaña di Buttigieg a desaroya e app en cuesion. Otronan a remarca cu fundado di un organisacion sin fin di lucro cu a lansa Shadow Inc aña pasa ta casa cu un consehero seniro pa campaña 2020 di Buttigieg. Pa diamars, #MayorCheat tabata un tendencia riba Twitter, menciona mas di 120mil biaha.

E misinformacion aki ta basa en parti riba e hecho cu campaña di Buttigieg a paga Shadow Inc., e compania tras di e app di Iowa caucus, pa software. Otro Democratanan, incluyendo ex- vice presidente Joe Biden, senador Kirsten Gillibrand, y Partido Democrata di Texas a contrata Shadow pa sevicionan.

E resultadonan na Iowa tabatin sosten di voto riba papel, cu ta locual e Partido Democrata di Iowa ta usando pa verifica e resultadonan.

E tipo di casonan aki ta mustra cu ta importante pa candidatonan presidencial crea confiansa den e sistema entre nan sostenedonan. Un profesor di ciencia politico na Massachusetts Institute of Technology, Charles Stewart III, a bisa: “Mi ta spera y desea pa candidatonan reconoce cu si nan no defende e sistema ora por defende esaki, nan lo daña democracia y devalua e nominacion cu nan ta busca.”

 

LEAVE A REPLY

Please enter your comment!
Please enter your name here