(NLTimes) – Psicologonan di studiante ta ricibiendo un cantidad grandi di studiantenan cu ta keda aumenta, ta pidiendo pa ayudo mientras cu educacion mas halto ta cera nan porta pa di tres biaha durante lockdown, NOS a reporta.

Psicologo di studiante Jerre Mijnarends a conta e noticiero cu e hendenan hoben ta bini na su persona cu kehonan di depresion y di straña nan cas. “Nos ta purba bini hunto pa haya posibilidadnan pa studiantenan haya momentonan di felicidad. E perspectiva a ser kita for di e studiantenan,” Mijnarends a bisa.

Studiantenan di scolnan primario y secundario por bolbe bek lesnan riba dialuna, pero studiantenan di educacion mas halto te ainda no a tende di ki dia ni ki tempo nan lo por ricibi les den persona atrobe.

“Tin un expectativa cu bo dianan di studiante lo ta un di e periodonan mas bunita di bo bida unda cu bo ta crea memorianan bunita y bo ta pasa pret,” Sociologo y docente di Literatura Arabico Mohamed El Hirech a bisa.

E falta di contacto social no a un problema cu por ser resolvi facilmente pa medio di contrata mas psicologo, Mijnarends a bisa. “Bo por haya mas psicologo pero esaki no lo resolve e problemanan cu nos ta enfrentando. E lockdown ta keda, e lunanan scur tambe ta keda. E hecho ta keda cu e studiantenan ta den un fase vulnerabel den nan adolescencia unda cu nan ta mas debil pa cay den problemanan psicologico,” Mijnarends a comenta.

LEAVE A REPLY

Please enter your comment!
Please enter your name here