Dokter rutinariamente ta uza test genetico pa revela malesa hereda y guia tratamento pa cancer. Pero uza nan pa detecta malesa infeccioso ta asina nobo cu tiki dokter y menos pashent sa cu nan ta disponibel. E estudio di un test ta publica den e New England Journal of Medicine diahuebs.

Nan ta modernisando un campo cu necesidad di innovacion. Pa identifica bacteria, laboratorionan ta depende di tecnica bieu di Louis Pasteur – pone algun drop di sanger of otro muestra den un baki di laboratorio, y warda algun dia of siman pa mira ki bacteria ta crece. Pa test pa un virus, e dokter usualmente mester adivina kico e pashent tin. Test pa fungi of otro cos por dura hopi largo.

Varios compania y laboratorio di universidad awo ta ofrece test genetico basa riba sanger of likido spinal. Unabes haya fragmentonan di DNA stranhero, of otro material genetico, ta analisa nan codigo of secuencia, pa identifica bacteria, virus, fungi y otro parasito causando sepsis, meningitis, encephalitis y otro malesa mortal.

Dr. Charles Chiu, microbiologo na Universidad di California, San Francisco, a lidera e estudio en cuestion, cual a test likido spinal di 204 mucha y adulto cu meningitis of encephalitis, malesanan peligroso cual no semper ta causa pa un infeccion.

E test genetico no tabata perfecto. A faya algun caso, pero tambe a haya otronan cu test standard a faya.

Den total, a diagnostica 58 infeccion. E test genetico a iguala test standard den 19 caso, a haya 13 mas cu standard a perde, y a faya 26 cu e test standard eventualmente a haya.

Dokternan ta bisa cu e test basa riba genetica por ta un prome stap lihe y no- invasivo pa casonan serio of inusual. “Pa malesa infeccioso, bo mester sa e contest awe”, pasobra e riesgo di cu un pashent lo muri ta hisa mas largo cu dura pa haya e causa, segun Dr. Asim Ahmend, director medico na Karius Inc.

Te awo, hospitalnan ta uza e testnan aki pa e pio casonan – malesa largo sin splicacion, of pashentnan vulnerabel manera mucha of cu inmunidad debil.

 

LEAVE A REPLY

Please enter your comment!
Please enter your name here