(NLTimes)—Test pa e coronavirus riba scala grandi no ta necesario mas, segun Outbreak Management Team (OMT) den un declaracion recien pa Cabinet. Segun nan, e coronavirus no ta un pandemia mas, sino cu esaki a cambia pa un fase endemico. Esey kiermen cu e virus ta considera como parti di bida normal.
Medidanan contra e coronavirus mester cuadra mas hopi posibel cu “medidanan en genero” cu ya caba ta conta pa otro infeccion respiratorio, OMT a avisa.
E principio ta cu trahadonan di salud no mester bisti mascara pa tapa boca mas si nan ta dentro di un distancia di 1.5 meter cu un pashent. “Esaki no ta necesario mas den e fase endemico actual,” OMT a declara.
E aviso actual pa keda cas si bo tin sintoma, haci un ‘self-test’ y bay den cuarentena si e test sali positivo no ta necesario, segun OMT. Tambe nan a bisa cu personanan mester depende riba nan sentido comun ora nan desaroya sintomanan, mescos cu ora personanan haya griep, pa loke ta trata contact fisico cu otro hende.
E luganan di test pa coronavirus, cual ta bou maneho di GGD, por cuminsa cera nan porta, segun OMT.
