(NLTimes) – Testnan recientemente conduci a comproba cu e tecnologia tras di Ocean leanup PRoject ta traha. Pa e motibo aki, e fase di test a cera, y e limpiesa di plastic den e Pacifico por cuminsa segun e iniciado Boyan Slat.

Durante nuebe test reciente cu un di e dos mannan di limpiesa mas grandi den e Pacifico, mas di 28,659 kilogram di plastic a ser saca for id e awa. Den un solo test, 9,014 kilogram di plastic a ser haya. Den total e Ocean Cleanup Project ya caba a elimina casi un miyon kilo di sushi for di riu y lama. Esaki ta den su mayoria plastic, pero tambe sushi organico manera palo y planta acuatico.

“No semper e tabata facil, pero semper nos a keda enfoca riba nos mision,” Slat a bisa, enfatisando cu e compania aworaki ta drentando un fase nobo. Ocean Cleanup Project lo sigui cu desaroyo y actualmente ta disenando un version nobo y mas grandi di e man aki cu por bira e “base” pa otro accionnan di limpiesa cu lo por bin den futuro. “E ta solamente e comienso di e caminda, pero e kilogram di plastic cu nos a logra limpia for di e oceano aworaki ta e mas imporante, pa motibo cu nos a logra comproba cu e tecnologia ta traha,” Slat a bisa.

Ocean Cleanup tin 2 man grandi ta bari den e Oceano Pacifico. E ta flota riba nivel di lama y colecta tur loke e encontra manera un basora den forma di leter C. E sushi cu colecta, ta ser lanta y saca for di lama. Den adicion, e organisacion a traha 3 “Litter Thieves” cu ta den riu di cierto ciudadnan pa preveni cu e sushi drenta oceano desde eynan. E interceptornan aki ta bari sushi cu ta flota den e riu na Indonesia, Malaysia y Republica Dominicana.

Slat a crea e man aki cu ta bari e Oceano. El a desaroya e tecnologia pa su tarea di perfil na scol secundario na Delft.

Un averahe di mas o menos 1,800 biyon pida di sushi ta flota den e Oceano Pacifico, pisando mas di 80 miyon kilogram. E sopi di plastic ta yama e Great Pacific Garbage Patch y ta mas o menos 3 biaha e tamaño di Francia. Tambe tin 4 otro partinan grandi cu ta yena di sushi den e oceano. Hunto nan ta contene un otro 80 miyon kilogram di sushi y plastic ta flota.

E bari di sushi cu ta flota den oceano ta birando cada biaha mas grandi mirando cu cada aña miyones y miyones di tonelada di sushi ta drenta lama via di riu. E sushi aki ta bini mas tanto di metropolis Asiatico, unda cu truck di sushi no por drenta, y tur e sushi ta caba den riu. Segun Ocean Cleanup, 1 porciento di tur riu ta responsabel di 80% di e sushi den e oceano.

LEAVE A REPLY

Please enter your comment!
Please enter your name here