Un persona a cuminsa tira na un fiesta cerca di campo universitario di Texas. E tiramento a laga dos persona morto y 14 persona herida. E sospechoso di e tiramento a huy durante e caos, segun autoridad ta informa.
Polis ta kere cu obhetivo di e sospechoso tabata un persona na un fiesta cu 750 hende pafo di Greenville. E tiramento a tuma luga madruga na un fiesta di Halloween y ‘homecoming’ na Texas A&M University-Commerce, aunke oficial a bisa no tabata un evento oficial di scol.
Sheriff di Hunt County, Randy Meeks a describi e escena como un caos completo cu centenares di persona coriendo. Esunnan herida ta inclui 4 persona cu no tabatin herida di bala, pero a resulta herida den henter e caos. Autoridad ta kere cu e tirado a drenta di patras.
Autoridad ta buscando pa sospechoso. Nan no sa ken e ta ni tin un descripcion di dje. E dos persona cu a perde nan bida ta hende homber. Meeks a bisa cu ta kere cu mayoria di esunnan herida of den e fiesta ta den nan 20 aña di edad.
Mayoria di hende na fiesta tabatin disfraz di Halloween. Video di e tiramento a cuminsa circula riba medionan social, caminda ta mustra victima tira riba vloer ta yora of grita. Meeks ta bisa cu e fiesta tabata na un facilidad cu yama ‘The Party Venue’ y cu e doño tabata coopera cu autoridad.
Meeks a bisa cu trahado di polis a actua lihe y determina pa hiba un victima cu tabatin herida grave y wordo transporta pa hospital, mientras cu otro paramedico a yega pa atende cu e otro victimanan.
