(AP) – Den e area di tur e mangelnan, banda di tur esunnan clasico cu ya ta conoci pa tur e consumido, aworaki tambe bo ta haya mangelnan nobo of te hasta biu tin biaha, cu antes no tabata conoci, hunto cu tur e otro clasiconan pa motibo cu nan a bira viral riba e red social TikTok.

Un cantidad grandi di video a sali aña pasa di hendenan ta morde plasti den forma di fruta, cual tin jello di diferente sabor aden y cu ta spuit den nan boca despues di morde e plastic. Empleadonan di e tienda di mangel It’Sugar a urgi pa trece e producto na e tienda, y e benta a bay asina bon cu TikTok a bira parti di e compania su strategia di benta. Aworaki, e franquisia tin seccion cu e aplicacion su logo riba dje, pa indica cu e productonan ta esunnan cu ta mira riba TikTok, y e productonan aki ta responsabel pa entre 5 pa 10% di e benta pa siman.

“E cifra aki ta increibel,” segun Chris Lindstedt, e assistent vice presidente di mercadeo na It’Sugar, cual tin mas o menos 100 instancia.

TikTok, un aplicacion miho conoci pa videonan di baile y cu tin mas di 1 biyon usuario mundialmente, tambe a bira un fenomeno den e industria di compra. Franquisia nacional, cu speransa di atrae usuarionan hoben di TikTok na nan tienda, ta poniendo seccionnan dedica na productonan mira riba TikTok, similar na e productonan marca como “As Seen On TV” (manera mira riba television) cual tabata productonan cu tabata promovi riba comercialnan di television.

Na Barnes & Noble, mesanan tin borchi cu e teto #BookTok, e hashtag di recomendacion di buki usa riba TikTok, cu a duna un empuhe na benta di bukinan imprimi. Amazon tin un seccion riba nan sitio web titula “Internet Famous,” cu listanan di productonan cu cualkier persona cu pasa tempo riba di e aplicacion, lo reconoce.

E hashtag #TikTokMadeMeBuyIt (TikTok a ponemi cumpre) a ribici mas di 5 biyon bista riba TikTok, y e aplicacion a haci un cantidad amplio di producto un hit manera leggings, cartera, productonan di limpiesa, y te hasta keshi. Videonan di un receta di pasta cu keshi a causa cu keshi a cuminsa bende den cantidad grandi.

E ta hopi dificil pa por descifra cual ta e proximo sensacion y hit di e aplicacion,. Con TikTok ta dicidi ken ta mira ki contenido te ainda ta un gran misterio. Den varios caso e companianan ta sorprendi y hopi biaha ta logra actua ya despues cu e producto a bira viral, causando cu nan ta cuminsa regala nan producto na e creadornan popular, y te hasta contrata e creadornan di contenido riba TikTok pa haci aparencia den comercial di e producto of paga e creador p crea contenido tocante e producto.

“E tabata un poco confuso den comienso,” Jenny Campbell a conta, ken ta e hefe di publicidad na Kate Spade, recordando ora cu buskeda di “heart” diripiente a cuminsa sali riba nan wesbite anteriormente e aña aki.

A bin resulta cu e causa tabata un video publica riba TikTok publica pa Nathalie Covarrubias, unda cu e tabata mustra un tas cu el a cumpra den forma di curason di Kate Spade. Otronan a cuminsa copia su video, cumprando e tas cu Nathalie a mustra dene video, resultando den e benta di tur e tasnan den forma di curason di Kate Spade, cual ta otro demostracion di e impacto cu e red social aki tin den mercado.

LEAVE A REPLY

Please enter your comment!
Please enter your name here