(TMZ) – Nanny Faye, e wela viral cu a captura e curason di tur hende riba TikTok, a fayece segun su famia a informa.
Su nieto mas grandi a informa e noticia tristo riba su plataforma di rednan social faborito, cu casi 240,000 siguidor y tur otro hende cu el a fayece den pas na october a causa di loke ta mustra di ta causanan natural. Nanny recientemente tabata luchando contra problemanan di salud manera cancer, y su nieto tabata documentando su lucha riba tiktok, notando algun luna atras cu el a tin 2 operacion grandi y proceduranan chikito tambe, riba caminda pa recuperacion.
E motibo dicon esaki ta notabel, claramente, ta pa motibo cu e tabata viral riba TikTok anteriormente ora cu el a duna un conseho na un usuario di TikTok cu tabata preocupa tocante morto. Den su propio manera unico, Nanny a comunica cu no tin nada pa tin miedo na dje y segun loke su nieto a informa, el a mantene e mesun actitud optimista te na e ultimo omento di su bida.
Nanny Faye a logra genera un cantidad di siguidornan fuerte y solido despues di varios conocemento y sabiduria cu el a comparti, papiando tocante fe, famia y te hasta topico filosofico. Tambe e tabatin hopi experiencia pa comparti cu e generacion nobo y tur hende tabata stima tende di dje regularmente.
Su nieto a comparti cu e tabatin scrituranan personal cu e tin plan di comparti cu tur hende den futuro cercano, dunando tur e siguidornan un motibo pa sigui pendiente di su contenido.
