Transformacion di Fundacion Parke Nacional Aruba a base di principio di bon gobernacion

ORANJESTAD – Recientemente a tuma luga e transformacion y implementacion di principionan di bon gobernacion pa loke ta statutonan di FPNA. Esaki despues di un tempo intenso y estrecho unda cu e personanan apunta por medio di corte y pa ex- gobernador señor F.J Refunjol , a haci un inmenso trabou pa asina poco poco pa asina transforma  FPNA den un organisacion pa futuro, asina contribuyendo na salvaguardia e sector medio ambiental di Aruba.

Esaki a sosode den presencia di notario Hilde Rodriguez-Taekema, tambe anteriormente conoci como hunta di directiva di Parke Nacional, y manager di parke.

Actualmente  FPNA cu sosten di Ministerio ta trahando hopi duro pa finalisa e trabounan pa loke ta nos parke marino. Enfocando riba e plan di maneho cu aworaki ta den forma conceptual, incorporando diferente vision pa actornan clave den nos comunidad. Tambe por menciona cu e siguiente paso lo ta e aspectonan di areanan candidato pa wordo proteha (19+ areanan). Asina poco poco conhuntamente cu Ministerio y e vision di  FPNA e sector di medio ambiente ta ricibi un plataforma igual na otro sectornan den nos comunidad.

Tin hopi trabou ainda pa haci y algun reto pa surpasa. Pero cu e hunta di supervision di FPNA y e statutonan cu ta basa riba principionan di bon gobernacion, lo eherce e trabounan y transforma e retonan den oportunidadnan.

Minister di Desaroyo Teritorial, Infrastructura y Medio Ambiente Otmar Oduber, ta aplaudi e pasonan cu e awor yama:  Hunta di Supervision di Fundacion Parke Nacional (FPNA) a tuma pa asina transforma e organisacion den un organisacion cu ta opera segun principionan di bon gobernacion. Ministerio ta bisa danki pa e confiansa na cada un persona cu a sinta cu Ministerio na mesa pa asina yega na un miho organisacion pa Aruba.

You May Also Like

POR prome di yega na firmanan, falta 6 partido

Manera nos a informa diasabra pasa, partidonan cu no tin asiento den parlamento mester ...

‘Expedicion Arkeologico edicion Fin di Aña’

Museo Arqueologico Nacional Aruba (MANA), hunto cu Stichting Monumentenfonds, ta ofrece tur hende cu ...

249A9301.JPG

Accion di “swipe” ta sigui den Oranjestad

“Sin e sosten di comunidad, ta casi imposibel pa nos combati y elimina e ...

5P3A9991.JPG

Desconocinan a los varios tiro riba Hulpbestuurskantoor na Santa Cruz

Diamars atardi na momento cu e oficina di Gobierno na Santa Cruz tabata cerando ...

caft prespuesto.JPG

CAFT: Gobierno mester haci maximo esfuerso pa logra alcansa e normanan di deficit

Colegio di supervision financiero di Aruba (CAFT) ta indica durante su bishita di trabou ...