Tres aña pasa polio a keda erradica na Aruba

Dia 24 di october ultimo a wordo conmemora Dia Mundial di Polio. Riba e dia ey, Rotary Club of Aruba a pone atencion riba e malesa hopi contagioso aki cu ta afecta mas tanto mucha mas jong cu 5 aña di edad. Na Aruba nos no ta hayando casonan nobo ya pa mas cu tres aña, “ya esaki ta wordo considera como cu e ta erradica”, asina Frederick Nuboer di Rotary Club of Aruba a bisa.

Virus di polio y Aruba
E virus aki ta wordo transmiti tipicamente via awa contamina. Pero tambe e por pasa pa medio di spetters ora  bo nister of tosa. E por ataca e sistema nervioso di un persona y den cierto caso por causa paralisis. Aunke no tin cura pe, ta existi un vacuna cu ta safe y ta efectivo.

Aunke a logra combati e virus di polio y tambe a  logra reduci e cantidad di casonan di polio te cu un 99.9%, ainda tin 3 pais na mundo na unda tin polio. Afganistan, Pakistan y Nigeria. Na Aruba polio a wordo erradica danki na nos campaña y programa di vacunacion infantil. Sr. Nuboer a declara cu na Aruba e vacuna contra polio ta bin den un cocktail cu e babynan ta haya via Wit Gele Kruis (WGK) of sino e departamento di Salubridad Publico encarga cu e programa di vacunacion nacional.

Aunke Rotary Internacional a bin cu un campaña mundial hunto cu su partnernan pa inmunisa mas cu 2.5 biyon mucha na mundo, pa medio di e vacuna contra polio, na Aruba otro instancianan ta encarga di provee e vacuna aki. Sr. Nuboer a bisa cu tin otro organisacionnan cu ya caba ta haciendo e campaña di vacunacion aki. Den e caso aki, Rotary Internacional ta pone su esfuerso pa asina otro paisnan cu no ta privilegia manera Aruba, y cu tin nan necesidadnan, por haya e vacuna aki.

Sinembargo e ta recorda cu den pasado tin hendenan cu a wordo contagia cu e virus di polio, y awendia nan tin e consecuencia cu den resto di nan bida, nan tin e problema aki den nan sistema nervioso y den nan curpa. Pero danki na e vacuna contra polio y na e campaña cu Rotary Club ta hibando den henter mundo, a logra yega vacuna mas di 2.5 biyon mucha, cual ta haci cu awe tin menos caso di polio na mundo.

Campaña contra polio y caminata
Pa es motibo, den cuadro di Dia Mundial di Polio, Rotary Internacional a conmemora e fecha di e natalicio di Jonas Salk, kende a lidera e prome team cu a traha un vacuna contra poliomyelitis. Pero tambe ta reconoce e trabou cu institucionnan y personahenan a haci pa lucha contra e virus aki mundialmente.

Sr. Nuboer a bay un poco den historia. Ta asina cu Rotary Club conhuntamente cu World Health Organization y Unicef a cuminsa cu e iniciativa global pa erradica polio na 1988. Na aña 2007, Bill & Melinda Gates Foundation a join Rotary Club den e compromiso mundial pa caba cu polio. For di 2013,  The Gates Foundation a duna 2 florin pa cada florin cu Rotary a recauda pa erradica polio. Den total e fundacion a duna 35 miyon dollar pa aña. Rotary hunto cu e fundacion Gates Foundation a contribui cu mas di 1.6 biyon dollar na e causa bunita y nobel aki.

E bataya contra polio no a caba mundialmente. Pa tal motibo Rotary Club of Aruba ta organisa un End Polio Fun Walk Run dia 19 di november proximo. E ta un forma pa conscientisa pueblo riba e virus di polio.

E caminata lo cuminsa pa 5or atardi y e lo start for di Fisherman’s Hut pa Arashi. E ta un caminata di 5 kilometer caminda e participantenan por cana of core. E inscripcion ta 20 florin y cada participante lo haya un dry-fit shirt. Na final di e caminata lo bay tin rifa di diferente premio atractivo entre e participantenan.

 

You May Also Like

Reaccion di minister riba CAft: lo por spera un presupuesto 2018 mas positivo ainda

Den un reaccion di minister di Financia Xiomara Ruiz-Maduro (CAft) riba e carta di ...

Biblioteca Nacional cu prioridad halto pa digitalisacion di archivo

No mester tin frontera pa haya informacion “No mester tin frontera pa haya informacion. ...

IMG_9916.JPG

Homber no mucho bon di cabes pa dianan ta tira trahadonan cu baranca

Pa algun dia caba e trahadonan cu ta trahando banda di caminda na Savaneta ...

Cambio di clima un menasa serio pa nos region?

Sigur den ultimo decada e debate riba cambio di clima mundialmente ta birando mas ...

Prome referendum di 2017

Ayera a celebra e prome referendum di aña 2017 den departamento di Mediador di Gobierno. ...

‘Ora un persona tin cancer e ambiente mester ta sano’

ORANJESTAD – Den un reciente entrevista cu Lily Prince, kende ta presidente di Wilhelmina ...