Segun informacion di Cuerpo Policial, diasabra anochi Central di Polis ta haya un yamada cu pa mas o menos 21:30 un atraco a tuma lugar na un cas na Palm Beach. Polis di noord a presenta na e cas y ta bin compronde cu dos hende muhe kedando na e cas a wordo atraca pa 3 hende homber , dos di nan tabata tin cara tapa y e otro no . Tur tres cu arma di candela . E atracadornan a drenta e cas, mara e dos damanan aki cu ducktape y a hincanan den un camber di e cas. E tres atracadornn a bai cu $5000,- , cellularnan, pañanan y kedsnan nobo . E atracadornan a lo mester a hui den un auto chikito y parse scur. Diferente unidad di polis a cuminsa di biaha cu un buskeda pa wak si por topa cu e malechornan aki. Atraco team a presenta pa cuminsa cu investigacion . Polis technico tambe a presenta y departamento di slachtofferhulp pa asina guia e señoranan cu a pasa den un susto.
