Diabierna mainta personal di parke Arikok a topa cu algun persona bisti cu vest na e beach di Boca Druif. A pidi asistencia di polis y ora nan a yega na e sitio, en berdad a topa cu 2 persona di origen Latino herida y un otro sin bida. Un di e heridonan tabata pega bou di baranca.
Ora cu Unidad K9 di polis tabata realisando e ristamento, a topa cu 2 revolver, 1 shotgun un cantidad di droga. Polis a detene e 2 personanan herida di nacionalidad Venezolano.
Brandweer a yuda personal di ambulance rescata e persona pega bou baranca y despues helicopter di Warda Costa a transporta nan pa aeropuerto y djey ambulance a sigui transporta nan pa hospital. Esaki ta debi cu hospital no tin un helipad mas.
