Diadomingo ultimo, Aruba Triathlon Association a tene nan campeonato nacional di Sprint Triathlon unda un cantidad grandi di tri-atleta a bin competi, segun e organisacion.
E atleta elite Renze Postma a gana e campeonato nacional di sprint marcando un tempo di 1ora y 1min. E hoben Giannon Eights a logra un di dos lugar overall cu un record personal nobo di 1ora y 2min mientras Romar Arendsz cu a yega na di tres lugar tambe a kibra un record personal nobo ora e la drenta den 1ora y 3 min.
Den e categoria femenino, Linda Smith a recupera su posicion number 1 unda e ta finalisa dilanti Amadee Nicolaas y Sandra Postma.
Den e relay e atletanan Flory Kock, Jonathan Croes y Zhyon Geerman a crusa e finish line como e prome nan.
Den Super Sprint e hoben Justin Morales a yega na di prome lugar den e categoria mucha homber mientras Aleeza Semeleer a yega como e prome den e categoria mucha muher.
Den e relay Super Sprint e trio Inald Fernandez Perna, Jeann-Drick Croes y Tyree Koeiman a drenta como e prome team.
