Home Regional Tribunal supremo di husticia na Venezuela ta pidi pa cera Nicolás Maduro

Tribunal supremo di husticia na Venezuela ta pidi pa cera Nicolás Maduro

1214

Venezuelan-President-Nicolas-Maduro-AFP-800x430.jpg(prensa.com) – E tribunal supremo di husticia (TSJ) di Venezuela a manda pidi e detencion di president Nicolás Maduro pa su supuesto vinculo na e scandal di corupcion di Odebrecht.

TSJ na e momento aki su funcion y autoridad ta wordo reemplasa pa e asamblea constituyente di e pais. Huesnan cu ta pertenece na e tribunal a bay for di Venezuela pa entre otro Colombia, Panama, Chile y Merca bou di e alegacion cu lo tin persecucion politico tumando luga riba nan desde cu a kita nan autoridad na augustus ultimo.

E medio di comunicacion prensa.com ta splica cu TSJ a pidi desde Bogota e captura di e president Venezolano ya cu lo tin prueba presenta door di e fiscal Luisa Ortega, kende tambe su autoridad a wordo kita na Venezuela, unda ta demostra cu Maduro lo a ricibi placa durante campaña na 2013 di e constructor Brasilero Odebrecht. E fiscal ta pidi pa acusa Maduro di delitonan di ‘corupcion y legimitacion di captal’.

“E sala aki di Tribunal Supremo de Justicia ta declara procedente e solicitud pa tuma e medida di kita libertad di president Nicolás Maduro”.  E organo a pidi pa Interpol wordo notifica di su decision ‘pa procede e captura di Nicolás Maduro’. TSJ ta wordo reconoci pa OEA (Organización de Estados Americanos) y tambe pa Paramento Europeo.