Home Local Land Aruba ta gana caso contra kiosco riba beach

Land Aruba ta gana caso contra kiosco riba beach

1636

Hues a dicta sentencia na fabor di Land Aruba pa e caso di un kiosco riba beach cu tin construccion haci adicional sin permiso.

Esaki minister Otmar Oduber (POR) ta laga sa riba su facebook pagina. Den pasado a constata cu construccion ilegal tabata tuma luga, sinembargo na momento cu e departamento concerni bay controla of actua, ex- ministernan tabata pone man riba nan cabes, e minister ta bisa.

“Desde introduccion di e Beach Policy, Task Force Beach Policy cu ta conta cu experticio di e departamentonan concerni ta controlando pa e bon siguimento y implementacion di e maneho. Controlnan lo sigui, y lo actua contra tur esunnan cu ta violando nos leynan”, minister Oduber ta finalisa bisando riba e red social.

Potret ta cortesia di minister Otmar Oduber.