E delegacionnan di Staten di Corsou, St. Maarten y Aruba a tene ayera 26 di september un encuentro tripartite como preparacion pa e reunionnan di IPKO cu lo tuma lugar e siman aki hunto cu parlamentarionan di Eerste y Tweede Kamer.
E encuentro na comienso a conta cu presencia di Minister Plenipotenciario Suplente di Aruba, mr. Ady Thijsen y Minister Plenipotenciario di St. Maarten, Rene Violenus.
E programa a cuminsa cu presentacion di Raad van State door di e staatsraad pa Corsou Paul Comenencia, e staatsraad pa St. Maarten Maria van der Sluis-Plantsz y e staatsraad pa Aruba Milly Schwengle.
E potretnan ta cortesia di Arubahuis
