Diabierna mainta den nomber di Minister Ursell Arends, Minister Plenipotenciario na Washington D.C., Sra. Joselin Croes a atende e forum “Towards a Universal Declaration of Ocean Rights, moving forward”.
“E tabata un gran honor pa a conoce Prins di Monaco y di por a tene e baton pa Derecho di Naturalesa y Lama. Mi a comparti cu nan cu Conseho di Ministro di Aruba riba peticion di Minister Arends a bay di acuerdo pa hinca e derecho di naturalesa den nos constitucion. Nan a compromete nan mes pa yuda Aruba den e proceso aki. Lama ta e recurso natural di mas valioso pa mundo y pa Aruba. Importante pa e awa cu nos ta bebe, nos cuminda cu nos ta planta, y nos turismo”, el a expresa.
