(AFP) – Presidente Mericano, Donald Trump a bisa diadomingo cu el a adverti presidente Ucraniano, Volodymyr Zelensky pa “stop di knock out” refineria di diesel na Rusia, pasobra e tabata causando escasez y “haciendo daño” na otro paisnan.
“Sr. Zelensky mester haci un cos,” Trump a bisa reporteronan durante un bishita na Irlanda. “E mester stop di knock out diesel fuel na Rusia.
“Lag’e bay contra obhetivonan, pero no diesel fuel, pasobra e ta causando un escasez di diesel. Esaki no ta ser haci pa Medio Oriente, esaki ta haci pa loke ta pasando cu Rusia y Ucrania.”
Trump a agrega cu el a papia cu e lider Ucraniano tocante e aumento di atake di e pais contra sitionan asina den lunanan recien. “Tin cantidad di otro obhetivo. No dal diesel fuel pasobra esey ta haciendo daño. Esey ta haciendo daño na mundo. Nos no kier pa e dal diesel fuel… E ta atacando refineria di diesel.”
Ucrania a ataca cantidad di refineria di petroleo Ruso centenares di kilometer leu di su frontera cu Rusia, mientras Moscu tambe a intensifica su atakenan di rango largo den lunanan recien, conduciendo na un aumento den morto di civil.
Kyiv tambe ta lansando cantidad record di drone contra Rusia, mientras Moscu ta lansando cantidad halto di atake cu misil.
Diadomingo, un drone Ruso a dal un trein di pasahero bayendo Warsaw for di Kyiv, pero no tabatin casualidad, ambos Warsaw y Kyiv a bisa, mientras Zelensky a bisa cu regionnan occidental a bin bao atake.
E atakenan a yega dianan despues cu enviadonan Mericanonan a bishita tanto Moscu como Kyiv den un esfuerso pa rebiba negociacionnan lidera pa Washington pa caba cu e pio conflicto na Europa desde Segundo Guera Mundial.
Cu conflicto intensificando un biaha mas den Medio Oriente, prijs di petroleo a aumenta, alabes aumentando costo di combustible y inflacion pa Merca.
Esey a ocasiona speculacion cu Banco Central di Merca, e Reserva Federal, ta bay aumenta tasa di interes net ora votadornan ta prepara pa vota den eleccion clave di midterm na november.
Riba potret: Presidente Ucraniano Zelensky a reuni cu presidente Mericano Trump durante e Cumbre di NATO na e Compleho Presidencial Bestepe na Ankara, dia 8 di juli 2026.
