Presidente Mericano Donald Trump diamars ultimo a menasa Guatemala pa via di inmigracion despues cu e pais su corte halto a blokia Guatemala su gobierno di firma e deal di asilo cu Merca.
Trump a tweet cu Guatemala a dicidi contra firma un acuerdo ‘Safe Third’ rekeriendo migrantenan di Centro America cu kier pidi asilo na Merca pa en bes aplica pa e proteccion aki den Guatemala, aunke e pais su gobierno nunca a bisa cu nan a bay di acuerdo cu e areglo.
Guatemala ‘a dicidi di kibra e acuerdo cu nan tabatin cu nos riba firma un Safe Third Agreement. Nos tabata cla pa bay’, Trump a keha. “Aworaki nos ta mirando den direccion di un prohibicion, banda di tarifanan riba placa cu personanan di Guatemala trahando na Merca manda bek pa nan pais.”
