Dilanti congreso y un nacion ‘fuertemente dividi pa impeachment’ presidente Donald Trump a usa su discurso State of the Union pa exalta un ‘gran comeback di Merca’.

E discordia partidista a exhibi ‘vivamente’ ora cu e prome president pa campaña pa reeleccion despues di impeachment a presenta su caso pa otro mandato: E legisladornan republicano a canta ‘cuatro aña mas’. Presidente di camara di representante, Nancy Pelosi, a kibra su copia di discurso di Trump ora cu Trump a caba di papia.

“Enemigo di Merca ta huy, e fortuna di Merca a aumenta y futuro di e pais ta briya”, Trump a declara.

Manteniendo exito economico di e nacion como e rason principal pa un segundo mandato, e discurso di Trump ta parce un version cu menos volume di su manifestacion di campaña, proporcionando algo pa cada seccion di su base politico.

Trump no a aparece mas cordial. Ora cu el a subi tribuna di Congreso, e no a tuma man extendi di Pelosi, aunke no ta cla el a mira su gesto. Despues republicanonan a bati man pero Pelosi a permanece sinta, na dado momento sacudiendo su cabes pa su remarcanan.

Ora cu Pelosi a bay, el a bisa periodista cu pa kibra e discurso tabata e mas ‘mas cordial considerando e alternativanan’. Vice presidente Mike Pence a bisa cu comportacion di Pelosi ta a marca ‘new low’.

E crecemento economico tabata 2.3% na 2019, na e mesun ritmo di promedio desde e gran recesion cu a caba un decada atras, den e prome di ocho aña di presidencia di Obama. Trump a enfatisa e acuerdonan comercial nobo cu el a negocia, incluyendo e prome fase di su acuerdo cu China, y e acuerdo Merca-Mexico-Canada cu el a firma luna pasa.

Cas Blanco a bisa cu e presidente tabata ofrece un mensahe di unidad, tambe abordando temanan cu a crea division y cu ta resona cu su base politico. El a ataca propuesta di cuido di salud democrata como demasiado intrusivo. El a menciona e problema di inmigracion, elogiando e muraya di frontera cu a construi.

LEAVE A REPLY

Please enter your comment!
Please enter your name here