E denuciante cu a bati alarma tocante Presidente Donald Trump su trato cu Ucrania, lansando un investigacion di impeachment lidera pa democratanan, ta cla pa contesta pregunta di republicano di e camara di representante, su abogado ta bisa.

Trump a bisa cu esey ta suficiente bon. Trump su mes a nenga di duna nada otro cu contestanan skirbi den respuesta na preguntanan limita durante e investigacion di consehero special riba interferencia di Rusia durante eleccion di 2016.

E oferta di duna testimonio, haci durante weekend na Rep. Devin Nunes, e republicano top den Comite di Inteligencia, a yega despues di atakenan aumentando di Trump y su aliadonan republicano, kende ta exigi pa revela e identidad di e denunciante. Esaki lo permiti republicanonan pa puntra pregunta na e whistleblower sin cu mester pasa a traves di e presidente di e comite, e democrata Adam Schitt.

E ley di denuncia di Merca ta existi pa proteha identidad y carera di persona cu ta presenta acusacion di iregularidad di parti di trahado di gobierno.

Legislado di ambos partido a respalda historicamente e proteccion.

Pero Trump a bisa cu e persona mester duna cara publicamente. “E mester presenta pa testigua. E contesta skirbi no ta aceptabel”, el a bis, considerando e proceso como un ‘estafa’.

Trump a nenga cu a haci algo malo durante su yamada na e President di Ucrania, Volodymyr Zelenskiy, kende a presiona pa investiga rival di Trump. Na momento ey, e administracion a wanta yudansa militar pa Ucrania cu a wordo aproba pa e congreso.

AP generalmente no ta revela identidad di ningun denunciante. E denuncia di e persona a ser confirma den varios aspecto pa persona cu conocemento di evento na Capitol Hill. Trump a bisa cu no a exigi ningun quid pro quo, pero tambe a bisa cu e sorto di acuerdo aki ta comun, mientras ta uza poder den efectua politica di exterior.

 

LEAVE A REPLY

Please enter your comment!
Please enter your name here