Pa 8 aña consecutivo, e deporte di Beach Tennis, cual ta bou di e Federacion Internacional di Tennis, esta ITF, ta organisa e mundial di Beach Tennis pa ekipo, cual ta wordo teni na Moscu, Rusia. Aña pasa Aruba e debuta den e competencia y a keda na puesto # 12. Sigur un bon comienso pa nos pais, cual ta conoci caba den e deporte di Beach Tennis como tambe tin e evento #1 di mundo, scogi pa e hungadonan mes. Aruba a wordo representa pa Aksel, Sander, Maud y Dominique.

E weganan lo cuminsa dia 2 di juli y lo termina dia 7. Aruba su seleccion ta den full preparacion pa defende nan puesto y keda mas halto posibel riba ranking mundial. E aña aki, lo representa Aruba: Aksel Samardzic, Sander Castro, Louis Posner, Eugemine Ignacio y Maartje Heerkens. Pa sigur 3 di e hungadonan, nan prome experiencia den un torneo asina grandi. Aksel y Sander a participa caba den 2018 y tambe tin mas experiencia cu torneo nan internacional. Louis Posner, un di e prome nan cu a cuminsa practica e deporte aki na Aruba, kende no ta residencia na Aruba, pero a keda hunga bou di bandera di su isla. Louis sigur a keda practica e deporte aki, no unicamente na Hulanda, sino tambe den torneo nan den full Europa y sigur tur aña ta nota su presencia den November durante e ITF evento organisa pa Beach Tennis Aruba.

Pa 2019, tin un total di 16 pais confirma, cual ta: Italia, Rusia, Francia, Alemania, San Marino, Hapon, Aruba, Chile, SurAfrica, Morocco, Polonia, Latvia, Brazil, Portugal, Spaña y Venezuela.

 

LEAVE A REPLY

Please enter your comment!
Please enter your name here