Tin biaha, bisa loke bo kier bisa ta mas facil cu type – y awo por. Siman pasa, Twitter a agrega un caracteristica nobo pa usuarionan di iPhone cu ta permiti bo tweet un grabacion di voz cu bo ta captura a traves di e app.

Te awo, e caracteristica ta limita, pero e compania tin speransa cu por lansa e herment nobo pa tweet cu voz ‘den proximo simannan’ pa tur aparato iOS.

E tweetnan graba lo aparece di manera usual riba timeline di bo siguidonan, hunto cu tweet di texto. Cada audio tweet por dura hasta 140 seconde (of dos minuut, 20 seconde). Si bo sobrepasa e limite di tempo, e app lo crea un grabacion nobo, marando hunto un ‘thread’ di tweet di voz.

Pa cuminsa, sigura cu bo a update na e version mas recien di Twitter riba bo iPhone y habri e app. Si bo ta parti di e grupo pa tempo limita, lo mira un icono biña di wavelength ubica banda di e icono di camara. Tap esaki. Despues tap e icono cora di microfon ora bo ta cla pa cuminsa graba bo tweet di voz. Ora bo a termina, tap ‘Done’ den skina ariba banda drechi.

For di eynan, por finalisa e tweet agregando texto, potret, ubicacion of un GIF, y despues tap ‘Tweet’. Pa scucha bo tweet of di otro persona, djis tap e imagen riba e timeline. Si bo ta usando un iPhone, e video lo ser mustra den un bentana nobo, pa asina por scucha mientras ta sigui scroll a traves di otro tweet.

Twitter ta bisa cu tambe por scucha e audio tweet mientras bo ta haci otro cosnan riba bo celular, manera contesta mensahenan di texto of check email – manera un micro podcast. Twitter poco poco ta lansando e herment di grabacion nobo na usuarionan di iPhone, pues si bo no ta mir’e ainda, keda check den proximo simannan.

LEAVE A REPLY

Please enter your comment!
Please enter your name here