Un di e sostenedonan mas prolifico di Trump y creado di meme, conoci online como Carpe Donktum, a keda suspendi brevemente for di Twitter ayera despues cu un video mustrando e presidente matando criticonan y periodistanan, crea pa personanan conecta na dje, a aparece online durante weekend.

The New York Times a reporta cu a pasa e video na un evento pro- Trump na Florida durante weekend, causando un reaccion fuerte cerca prensa, hopi di nan a mir’e como curashando violencia contra periodista. Ayera, The Washington Post a reporta cu TheGeekzTeam, un grupo di creado cu ta contribui frecuentemente na MemeWorld (crea pa Carpe Donktum), a crea e video.

A restaura e cuenta poco despues di e suspension, pero segun Twitter, e problema tabata pa derechonan di autor. Representante di Twitter a bisa cu e compania a suspende e cuenta como contesta na un keho di un autor kende tabatin derecho, y a referi na e politica di e plataforma pa e tipo di violacion asina.

Donktum a pasa dialuna mainta subiendo di nobo hopi di su contenido bieu riba Twitter como contesta na e controversia. Ta probabel cu e suspension a resulta for di un di e videonan aki.

Contenido di Donktum frecuentemente a aparece riba Twitter feed di Trump a traves di su presidencia. Na november 2018, Donktum a ricibi reconocemento significante for di comunidadnan derechista despues di a gana un concurso di meme di Infowars. E siguiente februari, Trump a comparti un video di State of the Union 2019 crea pa Donktum, edita pa pone e democratanan mustra inatento.

Donktum tambe a asisti na e cumbre di rednan social di Cas Blanco den zomer.

Den un declaracion na The Verge ayera, YouTube a bisa cu e video di Donktum reporta pa e Times, cual a wordo post riba YouTube, no a viola nan politica di contenido y no lo ser elimina. “Pa contenido cu violencia cu ta obviamente falso, nos ta restringi acceso segun edad y pone un advertencia. Nos a pone e proteccionnan aki riba e video”, un vocero di YouTube a bisa.

 

LEAVE A REPLY

Please enter your comment!
Please enter your name here