E unico giraf blanco conoci na mundo a haya un aparato GPS pa tracking poni riba dje, pa yuda proteg’e di cazadornan mientras e ta biba na Kenya. Pero a pesar di su status singular, e macho solitario no tin un nomber.
E giraf blanco awo ta su so despues cu un hembra y su baby a ser mata pa cazadornan na maart, segun Ishaqbini Hirola Community Conservancy a bisa den un declaracion ayera.
Un caracteristica genetico inusual, yama leucismo, ta causa e color blanco y ta pone e unico giraf sobreviviente resalta peligrosamente pa cazadornan den e savannah seco cerca di e frontera cu Somalia.
Awo e aparato di tracking GPS, mara na un di e cachonan di e giraf, lo ping cada ora pa alerta rangernan di bida salvahe tocante ubicacion di e giraf.
E grupo di conservacion a gradici Kenya Wildlife Service hunto cu e Northern Rangelands Trust y Save Giraffes Now pa e ayudo.
