Diahuebs mey anochi nos a capta imagen di ambulance nan yegando na dos avion un air ambulance y un otro avion cu lo mester a transporta dos pashent pa Colombia.
E momento ey tabata trata di un adulto y un criatura. Ambos lo a haya of tin problema serio respiratorio. Nos tin indicacion cu tin varios pashent caba na Colombia cu e mes un sintoma
Nos por a wak hende nan den full pak y tambe mask na cara, indicando cu probablemente ta trata di e Influenza of H1N1, te hasta e piloto nan mester a cubri nan mes completamente. Personal di ambulance tambe tabata tin mask bisti.
E criatura no por a bay paso e avion cu mester hibe a haye confronta cu problema, y di e manera ey ambulance lo mester a bolbe bek cu ne. Diahuebs ora nan drecha e avion of nan manda otro e lo mester wordo transporta pa Colombia si tur cos ta bon.
H1N1 ta sumamente contagioso. Si bo ta sospecha cu bo tin e, contact bo dokter di cas via telefoon y splica su persona prome cu bo yega serca dje caminda tin mas hende cu ya ta malo. Bo ta malo keda cas y no bay caminda nan publico pa pega otro hende.
.jpg "Nadien Phillip: Come local y segun temporada ta duna mas balor nutritivo na consumido")
