Un parti di pueblo no kier bon gobernacion, pero show, bagamunderia y corupcion so!

Elton Lioe-A-Tjam (ABO)

Tristo pa wordo confronta diariamente con abou e calidad di nos democracia ta y con e partidonan tradicional (pues tur esunnan cu ta of tabata den parlamento) ta hunga riba emocion y sentimento pa sigui manipula e pueblo. Tristo pa mira via ‘patronage’ politico, intimidacion, manipulacion y cumpramento di voto, con hopi hende a bira ciego of indiferente pa esaki y algun hasta a bira complice. E realidad amargo y berdad ta cu si parlamento lo a cumpli cu solamente 3 articulonan di nos Constitucion (AB 1987 no GT 1), awe Aruba lo no tabata bancarota y lo no tabatin un CAft.

Tampoco lo tabatin un desigualdad creciente, un division den pueblo, un importacion descontrola di hende di otro paisnan y tampoco lo tabatin politiconan cu a drenta cu 10 florin den nan saco pero cu awe ta miyonario, y keriendo riba dje cu nan ta un Dios y cu Aruba ta di nan so. Art. V. 12 lid 4: ‘De door de Algemene Rekenkamer onderzochte rekening wordt jaarlijks aan de Staten overlegd’; Art. V. 12 lid 5: ‘ Bij landsverordening worden regels gesteld omtrent het beheer van de financiën van het Land’; Art. V. 13: ‘Bij landsverordening worden regels gesteld ten einde de rechtmatigheid van het bestuur en de deugdelijkheid van het financieel beheer te waarborgen’.

Tambe si parlamento lo a cumpli cu solamente 1 articulo di nos Constitucion, awe e calidad di nos sistema educacional lo tabata miho y e nivel di e desaroyo general lo tabata mas halto. Art. I. 20 lid 9: ‘De regering doet jaarlijks van de staat van het onderwijs verslag aan de Staten’. Desde 18 juli 2011, parlamento tambe a pasa e ‘Machtigings-Landsverordening’ (AB 2011 no. 50, 19 september 2013), unda e la autorisa e minister di Infrastructura pa pone e ‘Black Corridor’ riba pueblo su lomba pa 750 miyon florin. Aki tampoco parlamento por a cumpli cu solamente 1 simpel articulo. Art. 4 lid 1: ‘De minister, belast met infrastructuur, doet gedurende de eerste drie jaren na de inwerktreding van deze landsverordening iedere vier maanden aan de Staten van Aruba een schriftelijke rapportage toekomen met betrekking tot de vooruitgang van de uitvoering van het project’.

Pues un proyecto asina grandi, asina mahos, asina costoso y cu ta imposibel pa no mira of ignora, ainda e ta logra nos parlamento pa ‘lubida’ exigi di e minister e ‘schriftelijke rapportages’, manera ley ta prescribi. Parce cu cumplimento di ley ta conta solamente pa e ciudadano humilde, pero pa esunnan cu a pidi pueblo su confiansa y cu a huramenta pa defende pueblo su interes, no.

Mientras pueblo su infraccion di ley ta costa algo, infraccionnan di gobierno y parlamento ta costa miyones. Un otro ehempel cu ta mustra claramente cu un parti di pueblo no kier bon gobernacion, pero show, bagamunderia y corupcion so!

You May Also Like

Comision Accion Femenino di MEP cu actividad pa empodera hende muhe

ORANJESTAD – Recientemente a tuma luga eleccion pa directiva nobo di MEP pa 2019-2021. ...

“Atraco nr.55 ta un cu por a wordo preveni door di medidanan efectivo”

  No a dura largo cu atrobe un negoshi ta bira victima di atraco. ...

andinbikkernew.jpg

‘Bishita di Citgo, awor mester invita gobierno’

  E siman aki e comision permanente di parlamento encarga cu asuntonan referiendo companianan ...

Mike01.jpg

“Gobierno den Green Corridor a scoge pa minimalisa daño na naturalesa”

Prome Minister Mike Eman durante e bishita na e brug nobo di Green Corridor, ...