Mandara Spa, situa den e compleho di Aruba Marriott, ta orguyoso di anuncia e gran reapertura di su santuario nobo di bienestar reimagina, un refugio bunita y cuidadosamente rediseña pa eleva cada punto di e experiencia di e huesped.
Cu mas di 6,500 pia cuadra di espacio, e spa renoba tin 12 camber di tratamiento, incluyendo ‘suites’ priva pa pareha, un salon cu servicio completo, un ‘lounge’ di relahacion, experiencia termal tanto paden como pafo, y un area di ventas yen di productonan pa cuido na cas cu resultado comproba manera ELEMIS®, Kérastase® y Mandara Spa.
Na e curason di e transformacion akinan tin un experiencia termal nobo diseña pa restaura bienestar completo. Tanto den interior como exterior, e experiencia termal nobo akinan ta envolve huespednan den un viaje multisensorial. Camber di vapor y sauna ta disponibel den area di locker pa dama y cabayero, mientras cu e ‘lounge’ interior ta ofrece un espacio pa relaja y descansa. Na e parti pafo di e spa, huespednan por descubri un oasis espectacular cu un ducha experiencial, un ‘cold plunge’ revitalisante, y un jacuzzi di hidroterapia relahante.
E experiencia termal nobo ta ofrece un ambiente ideal pa celebracionnan di grupo y eventonan priva, for di despedida di soltera te cu retironan corporativo, Mandara Spa Spa ta personalisa cualkier ocasion, cu reservacionnan pa grupo disponibel via contacto directo cu e ekipo di spa.
Huespednan por agrega na cualkier tratamiento acceso na e experiencia termal nobo of por simplemente cumpra un ‘day pass’, haciendo e amenidad special akinan disponibel tanto pa huesped di resort como pa comunidad local di Aruba. Como beneficio adicional, Mandara Spa ta ofrece tarifa special di dollar pa florin pa residentenan di Aruba cu un ID valido.
“Mandara Spa semper tabata un pilar importante den e experiencia di huesped na Aruba, y e renobacion akinan ta hib’e na un nivel completamente nobo,” asina Raoul Lemmerling, Gerente General di e Compleho di Aruba Marriott Resort & Stellaris Casino, Marriott’s Aruba Ocean Club y Marriott’s Aruba Surf Club, a bisa. “For di e experiencia termal nobo te na e tratamentonan inspira localmente, nos ta orguyoso di ofrece algo realmente special tanto pa nos huesped como pa nos comunidad di Aruba.”
Jesus Padilla, ‘Senior Vice President di Resort Spa Operations’ na OneSpaWorld, a comparti: “E renobacion aki ta un testimonio di nos compromiso pa entrega experiencia di bienestar profundo, cu raiz den tradicion Arubano, eleva pa innovacion y adapta na e destino unda Mandara Spa ta jama cas. Nos ta warda e huespednan cu entusiasmo pa duna nan un bienvenida den e santuario renoba akinan.
Honrando e dushi herencia di e isla, Mandara Spa ta ofrece un menu di servicionan inspira localmente, incluyendo e ‘Massage de la Aruba’, un masashi tradicional cu movementonan largo y suave pa stimula relahacion profundo y duna e curpa un briyo natural, disponibel den seccion di 60, 75 y 90 minuut. E ‘Aloe and Milk Bath Wrap’ ta un tratamiento refrescante, specialmente diseñá pa recupera y calma e cuero despues di exposicion na solo, envolviendo e curpa den gel di aloe friu y lechi nutritivo.
Entre e tratamentonan di e spa tin e ‘Mandara Ultimate Facial’, un tratamento cu ta usa seis tecnologia BIOTEC 2.0: ‘Ultrasonic’, ‘Microcurrent’, ‘Galvanic’, ‘LED Light Therapy’, ‘Cryo’ y ‘Oxygen Infusion’, pa logra un efecto visibel pa suavisa e cuero profundamente. E ‘Fire & Ice Hot Stone Massage’ ta combina piedra ‘basalt’ cayente cu gel friu pa terapia di contraste cu ta purifica, reduci stress y alivia dolor muscular, conhuntamente cu parafina cu ta wordo aplica riba lomba pa un sensacion caluroso y placentero.
E ‘Balinese Massage’, usa pa siglo pa fortalece e curpa, ta combina ‘stretching, movemento largo, presion na palma di man y dede grandi, pa libera tension, mehora circulacion di sanger, baha stress y promove harmonia. E ‘Coconut Poultice Massage’, inspira pa un di e ingredientenan mas aprecia na e isla di Aruba, ta usa ‘poultice’ yen di coco cayente pa suavisa e piel mientras cu ta duna un experiencia aromatico y nutritivo profundo.
Huespednan tambe por modifica nan experiencia cu un ritual cu jama ‘Wellness Wonder’, un complemento ofreci como preparacion pa tratamento, integra naturalmente den e servicio of como ceremonia final. Opcion ta inclui ‘Breathing Release’, ‘Myofascial Release’, ‘Sound Wave Therapy’, y ‘Acupressure’ enfoca riba man y pia.
Reservacion pa Mandara Spa ta disponibel. Pa mas informacion of pa haci bo cita, por contact e spa directamente na 297-520-6750 of bishita www.mandaraspa.com.
