UNESCO (3).JPG

Den cuadro di UNESCO su Programa di Participacion 2016-2017, diferente instancia
local a entrega un peticion pa subsidio pa ehecucion di nan proyecto. UNESCO Aruba,
cumpliendo cu e reglanan vigente di UNESCO Paris a evalua e proyectonan aki, duna
nan un prioridad y manda nan pa e oficina principal na Paris. Aki atrobe e proyectonan
ta wordo evalua y ta stipula e suma cu lo duna na subsidio. Tres proyecto a keda aproba
pa un suma total di 105.000,- florin.

Awe durante un ceremonia chikito na oficina di UNESCO Aruba a haci entrega di e subsidio
na e instancianan concerni. Esaki mediante firmamento di un acuerdo pa ehecucion di e
proyectonan den cual e condicionnan ta stipula.

Aki ta sigui un resumen di esunnan cu a ricibi subsidio, e proyecto y e suma.
Wit Gele Kruis; Sexual Education Training for Teachers, suma 35 mil florin. Fundacion Hende Muhe Den Dificultad; Reintroduction of the ‘Teen Dating Violence’ Program in Aruban Middle Schools, suma 35 mil florin. Universidad di Aruba; Assessing Media Development in Aruba : Pressure Cooker Marathon, suma 35 mil florin.

Hopi ta esunnan cu ta puntrando ki momento por haci entrega di peticion nobo pa subsidio den Cuadro di UNESCO su Programa di Participacion. UNESCO Aruba lo anuncia esaki Mas despues den medionan di comunicacion acompaña cu e informacion necesario tocante e condicionnan pa por entrega un peticion.