Segun nos fuentenan, ya caba desde januari tabata cla pa introduci e cambionan den buki 1 di codigo civil, pero esaki a bira un ‘never-ending story’. Di januari el a bira maart, pero ainda tabatin reunionnan di comision pa introduci’e. Nos a check cu departamento huridico DWJZ y a confirma cu nan parti di e proceso ta cla. Segun Daphne Lejuez (independiente), ta depende awo di presidente pa yama reunion.

Loke nos a compronde ta cu DWJZ ya a caba un tempo pasa caba cu su parti di traha rapport, pa e ley bay bek parlamento, pa e bolbe bay DWJZ y asina ta traha un naderrapport, despues di cual ta bay bek na parlamento pa nan trat’e. Sinembargo asina mes e proceso no ta caba, pasobra den e ultimo tanda aki mester tende e ‘stakeholders’ un biaha mas. Den termino tecnico huridico, nos a compronde di DWJZ cu aworaki e ley ta den e fase di ‘nota naar aanleiding van het verslag’, unda parlamentarionan ta contesta preguntanan. Segun e parlamentario, aworaki ta djis spera pa presidente di parlamento yama reunion, cual ta cuadra cu loke DWJZ a conta Bon Dia.

 

LEAVE A REPLY

Please enter your comment!
Please enter your name here