Dia 21 di april ultimo a tuma luga riba nivel halto un videoconferncia ministerial di nivel halto di ministernan turismo Europeo tocante e impacto cu e crisis di corona tin riba e sector turistico di e Union Europeo.

Subsecretario Mona Keijzer di Ministerio di Asunto Economico y Clima a participa den nomber di Hulanda. Den un carta, Minister di Desaroyo Economico di Curaçao, Giselle Mc William, tambe den nomber di su coleganan minister di paisnan di Caribe den reino, a pidi e subsecretario pa trece dilanti na e union Europeo con nos teritorionan tambe por tin acceso na e pakete di recuperacion Europeo pa yuda e tercer paisnan, y kier sa e contesta di EU Global Response .

E ministerio di Desaroyo Economico ta masha contento pa sa cu durante e presentacion di subsecretario na e conferencia, su solicitud a ser haci na e miembronan di estado di Union.

Den e mesun carta , e minister di Desaroyo Economico den consulta cu ministerio di Turismo di Aruba, a haci e propuesta concreto di lansa un plataforma pa e intercambio di conocemento y practicanan mas miho den reino , di acuerdo cu un iniciativa di EU.

E plata forma aki ta un respuesta na un enfoke conhunto di e consecuencianan di Covid-19 den e sector turistico di Aruba, Curaçao, Sint Maarten y e municipionan special Hulandes, manera na Hulanda.

LEAVE A REPLY

Please enter your comment!
Please enter your name here