Banda di e crisis di Covid-19, cu a conoce ayera 98 caso positivo nobo, e pais ta lidia tambe cu un problema mas bieu: dengue.

E Centronan pa Control y Prevencion di Enfermedad (CDC, na Ingles), a pone Puerto Rico na promer lugar di e teritorionan di Estadonan Uni cu mas caso di dengue, como tambe compara cu e resto di estadonan. E ultimo informe ofreci pa e agencia a reporta cu tabatin 122 caso di contagio local y un so di un biahero cu a yega na e isla. El Nuevo Dia a solicita estadistica di incidencia di e virus na Departamento di Salud, pero no a haya respuesta.

Na inicio di maart e Unidad di Control di Vector di Puerto Rico a registra un aumento di sangura Aedes aegypti infecta cu dengue den zona metropolitano. E estadistica ta contene dato di januari y februari unda a reporta un aumento di 30% di presencia di sangura na e isla, incluyendo esunnan portador di dengue. Na e momento ey Departamento di Salud tabatin 61 caso di dengue registra.

Mientras tanto, e pais ta sigui den gara di e coronavirus Covid-19. E cantidad di persona interna na hospital a aumento te 159, di cual 18 den ICU. Departamento di Salud a informa cu tabatin 98 caso nobo ayera, e cantidad mas halto desde diabierna pasa, unda e registra 125 caso nobo.

Di acuerdo cu e datonan di e agencia, e total di pacient contagia na e isla a aumenta te 2.427, mientras e cantidad di morto a subi te na 117. E cantidad di test haci a surpasa 80.000, segun ministro di Salud Lorenzo Gonzalez Feliciano, pero e Departamento no a duna cifra exacto.

LEAVE A REPLY

Please enter your comment!
Please enter your name here