Universidad di Aruba a tene anochi informativo

Diabierna ultimo Universidad di Aruba a tene un anochi informativo cu charlanan pa esunnan cu interes of curiosidad pa loke ta trata e diferente estudionan ofreci pa e universidad. Studiantenan a comenta cu nan a scoge pa Universidad di Aruba pa motibo cu cierto estudionan ta na mesun nivel cu Hulanda, mientras e prijs ta mas faborabel compara cu scolnan den exterior.

Durante e anochi e universidad su facultadnan: Faculty of Hospitality and Tourism Management Studies, Faculty for Accounting, Finance & Marketing, Faculty of Arts & Science y Faculty of Law a duna presentacionnan riba kico nan lo por ofrece studiantenan cu tin pensa di studia na nivel universitario na Aruba mes.

Joel Recappe, kende ta studiando Organisation, Governance & Management na e Faculty of Arts & Science a conta Bon Dia cu el a dicidi di cuminsa cu un estudio na Aruba pasobra ‘mi no tabata cla pa bay afo’. Sinembargo sr. Recappe a haya un estudio cu tabata zona perfecto pe akinan mes.

E ambiente na universidad segun sr. Recappe ta hopi bon, mirando cu e klasnan ta basta chikito. Asina semper e docentenan ta envolvi cu e studiantenan y tin contacto regular entre studiante y docente. Tambe e lesnan ta hopi interactivo, ‘y bo no ta sinti manera bo ta djis tumando loke nan ta duna bo, si no tambe ta envolvi den e proceso di enseñansa’.

Sr. Recappe a recomenda pa studiantenan y hobennan cu no ta mucho sigur kico nan lo kier studia den futuro pa acudi na un programa special di e Universidad, esta e Academic Foundation Year. “Si bo no sa kico bo lo kier studia ainda, e programa lo yuda bo pa orienta bo mes kico lo ta e miho opcionnan basa riba bo capacidad”.

Nos lo elabora mas riba e contenido y reaccionnan di publico di e charlanan duna pa e facultadnan den un proximo edicion.

You May Also Like

zika y turismo.jpg

Expectativa si awe Zika ta wordo declara problema di salud publico internacional

E hefe di seccion di Epidemiologia, Maribel Tromp a bisa cu pa awe DESPA ...

5Yellow.jpg

Casi un luna a pasa y nada di fugitivo Yellow

Polis a activo buscando di Yellow, sinembargo esaki no a duna resultado ainda. Segun ...

Conseho Supremo Electoral: ‘Nos sistema di vota ta bon sigura’

Den transcurso di e ultimo dianan prome cu eleccion, a circula bastante mensahenan di ...

Polis kier autoridad bek pa control di persona ilegal

Sindicato di polis a trece dilanti den un reunion cu minister Andin Bikker (POR) ...

5P3A3080.JPG

DOW a logra di haci varios caminda limpi unda cu santo tabata un obstaculo

Despues di e awacero torencial diadomingo varios caminda a keda cu santo y piedra ...