MFA Savaneta ta habri awe oficialmente

Desde mei 2016 a inicia cu e construccion di un di e centronan di multi servicio conoci manera MFA den districto di Savaneta. Esaki ta forma parti di otro MFAnan cu (t)a wordo construi na Noord, Paradera, Sta. Cruz y San Nicolas.

Un comunicado oficial di oficina di gobierno ta bisa:

Manera cada un di e MFAnan prome cu esun di Savaneta, e arkitecto mester tabata tin un conexion cu e districto. Den caso di Savaneta un hoben arkitecto di Savaneta, Serge Thijsen, a keda encarga pa crea e concepto cu awe a cristalisa den un joya di proyecto pa pueblo di Savaneta.

E di tres MFA riba nos isla ta bay ofrece multiple servicio publico, ademas di fungi como punto di encuentro social y cultural. E servicio principal cu ta bay haya un localidad nobo den e MFA ta Hulpbestuurskantoor di Savaneta. Cu un facilidad mucho mas placentero y planifica cu tanto e trahado como e cliente den mente, Hulpbestuurskantoor ta bay tin e tur herment na su disposicion pa duna un miho servicio y den un ambiente mucho mas adecua pa un y tur. Omar Harms di Ministerio di Asuntonan General a splica cu banda di Hulpbestuurskantoor, entre otro Servicio di Impuesto, cafetaria y biblioteca, ta bay establece nan mes den e facilidad aki na MFA Savaneta.

E vision di un MFA den cada districto ta un vision di Gabinete Mike Eman, cu tabata tin como meta mehora e servicionan publico cu ta y por wordo duna. Importante den tur esaki ta cu for di den fase di planning, a pone hopi enfasis pa sa e necesidad y deseonan particular di habitantenan di cada districto.

Prome Minister Mike Eman, ta invita pueblo di Aruba henter, pero particularmente habitantenan di Savaneta y bisindario pa e ceremonia oficial di apertura di e facilidad multifuncional aki na Savaneta cu ta tuma luga dialuna 23 di october pa 7or di anochi.”

You May Also Like

NG ATA (1).JPG

Aruba Tourism Authority:Ta lansa Aruba como destinacion turistico na Mexico

Den un tour relampago di 5 dia A.T.A. ta bishitando Ciudad di Mexico City, ...

Asesinato Wayaca: 13 di october tratamento completo den corte

Na januari e caso di tiramento fatal na Wayaca cu a sosode riba 13 ...

Studiante di afo: ‘Kico naturalisacion ta nifica pa Aruba?’

Studiante Aleman na University College Utrecht, Nora Röders, pa caba su tesis ta puntra ...

Colaboracion unico y historico di ‘Jungian Psychology’ na Aruba

Dr. Michael Conforti, director di Assisi Institute: ‘The International Center for the study of ...

OM: ‘A acerca e denuncia di ekiponan perdi den completo neutralidad’

Ministerio Publico a ricibi siman pasa un denuncia for di cual a resulta cu ...

‘Maneho di financia publico tabata bou hopi escrutinio y transparencia’

Parlamentario actual, Richard Arends (AVP) a reacciona riba e declaracion haci pa prome minister ...