USA: Hende den welga di hamber alimenta forsosamente

Inmigrantenan a bay den welga di hamber den curso di luna pasa pa protesta contra e condicionnan den e facilidadnan di detencion, haciendo cu oficialnan na un facilidad na Texas a duna nan alimentacion forsa, cu tubo di plastic via nanishi, asina The Associated Press a haya sa.

Tin mas detenido cu ta nengando cuminda na e centro na El Paso cu den cualkier otro facilidad di ICE, y abogadonan ta bisa cu cierto detenidonan ta perdiendo peso rapidamente despues di no come o bebe den 30 dia. Detenidonan, un familiar y un abogado a conta AP cu casi 30 hende homber na e centro di detencion di ICE na El Paso, mas tanto di Cuba y India, tabata na welga pa protesta contra loke nan ta yama abuso verbal y menasa di deportacion di guardianan. Nan ta rabia tambe tocante e tempo largo cu nan ta cera mientras ta warda riba proceso legal.

ICE a confirma ayera cu tin 11 detenido na El Paso cu ta riba welga di hamber, loke ta significa cu nan a nenga nuebe cuminda consecutivo , y adicionalmente cuatro mas na e centronan di ICE na Miami, Phoenix, San Diego y San Francisco, di acuerdo cu vocero di ICE, Leticia Zamarripa.

Na mita di januari, dos siman despues cu nan a stop di come, un hues federal a autorisa alimentacion forsa pa algun detenido na El Paso, segun Zamarripa. E no a referi na e acusacionnan di e detenidonan di abuso pero a bisa si cu e Centro di Procesamento di El Paso ta monitorea e cuminda y bebida di e detenidonan di cerca pa proteha nan salud y siguridad.

E hombernan cu tubo den nan nanishi tin sangramento persistente di nanishi y ta saca varios biaha pa dia, segun Amrit Singh, cu tin dos sobrino di India, estado Punjab, cu tabata riba welga di hamber pa un luna.

You May Also Like

Trump ta nenga yamada pa hisa limitacion di edad pa arma di candela

Presidente Mericano Donald Trump su plan pa elimina tiramento na scolnan no ta inclui ...

d19f525ead1e78d7166d5c33ea099d35.jpg

Un homber ta muri den cinema mirando e pelicula ”The Conjuring 2”

Un homber di 65 aña tabata mirando The Conjuring 2 cu un amigo den ...

image.jpg

Hoben di India ta muri despues di tuma un selfie cu arma di candela

Un hoben a fayece despues di accidentalmente tira su mes mientras e tabata pose ...

5ab26bb8025c4f429516c5fb98c44023.jpg

Florida: Homber ta asesina dama pa menciona nomber di ex durante sex

Tin imagen di video hopi desagradabel di e crimen aki unda cu un homber ...

baby bentana.jpg

Homber a bula fei bentana cu baby: ambos a muri

Na Amsterdam un homber a bula for di un bentana di un apartamento cu ...

Ex vice ministro di Alvaro Uribe a admiti culpa den caso Odebrecht

Ex vice-ministro Colombiano di Transporte Gabriel García Morales a admiti dilanti di autoridadnan di ...