(CNET) – Usuarionan di PayPal na Reino Uni awo por usa criptomoneda riba e servicio di pago, dies luna despues cu a introduci e caracteristica pa prome biaha na Merca.

Clientenan tambe por scoge di cuatro diferente criptomoneda pa usa: Bitcoin, Ethereum, Litecoin y Bitcoin Cash.

E anuncio di PayPal dialuna ta marca e prome biaha cu e compania ta introduci caracteristicanan di criptomoneda na un pais otro cu Merca, despues di a lansa na su pais sede october ultimo. Usuarionan por mira prijs di criptomoneda en bibo cu e app di PayPal y haya acceso na contenido educacional riba intercambio, y pa miho compronde e riesgonan. Intercambio ta cuminsa na apenas £1, y mientras ta bay tin conversion di moneda y tarifa comercial, no ta bay costa nada pa tene criptomonedanan den un cuenta di PayPal.

“E pandemia a acelera cambio digital y innovacion na tur aspecto di nos bida – incluyendo digitalisacion di placa y mas adopcion di servicionan financiero digital entre consumidornan”, segun Jose Fernandez da Ponte, vice presidente a cargo di cripto na PayPal, a bisa den un declaracion. “Nos ta comprometi na continua trahando di cerca cu reguladornan na Reino Uni y rond mundo pa ofrece nos sosten – y contribui significantemente na duna forma na e rol cu monedanan digital ta bay desempeña den e futuro di comercio y finanzas global.”

Potret di CNN.

LEAVE A REPLY

Please enter your comment!
Please enter your name here