(AP) – Merca a duna aprobacion completo na Pfizer su vacuna contra COVID-19 riba dialuna, un logro cu por aumenta e confiansa publico den e vacuna y causa cu hopi mas compania, scolnan y gobiernonan local lo cuminsa haci e vacuna mandatorio.

E Pentagon a anuncia riba dialuna inmediatamente cu e lo sigui cu e plannan di rekeri e miembronan militar pa ricibi e vacuna den bista cu Merca y henter mundo ta batayando contra di e variante mas contagioso delta.

E formula traha pa Pfizer y su socio Aleman BioNTech awo ta carga e apoyo mas grandi di Food and Drug Administration, cual nunca antes tabatin asina hopi evidencia pa por husga un vacuna y su siguridad. Mas di 200 miyoin dosis di e vacuna Pfizer a ser duna den Merca, y miyones mas rond di henter mundo, bao di permiso pa uso di emergencia desde december. “Vacuna ta un di nos armanan mas poderoso contra di e virus,” Food and Drug Administration su comisario Janet Woodcock a bisa. “Nos ta spera cu e aprobacion aki lo aumenta e confiansa den e personanan cu te ainda ta duda.”

Pfizer a bisa cu Merca ta e prome pais cu a otorga e compania aporbacion completo. E vacuna lo ser bendi den Merca bao di e nomber Comirnaty.

Moderna tambe a aplica na e Food and Drug Administration pa aprobacion completo. Johnson & Johnson, trahado di e di tres opcion na Merca, a revela cu tin planes di haci esaki pa fin di e ana aki.

Un poco mas di mita di Merca su populacion completo ta vacuna completamente cu tur dos dosis. Vacunacion den e pais aki a baha den juli na un averahe di mita miyion dosis den un dia, di un cantidad halto anteriormente di casi 3.4 miyon dosis pa dia den mita di april. Den bista cu e variante delta a cuminsa yena cama di hospital, e vacunacionnan ta aumentando atrobe, cu un miyon dosis duna pa dia riba diahuebs, diabierna y diasabra.

Aprobacion completo pa Pfizer su vacuna contra di COVID-19 ta nifica cu e ta bay di acuerdp cu e “standardnan halto rekeri pa e aprobacion completo di vacuna, den cual nos ta depende y confia tur dia,” Dr. Jesse Goodman di Georgetown University, un ex hefe di vacuna na Food and Drug Administration a bisa. Esaki por yuda “cualkier persona cu te ainda tin duda gara confiansa” riba e vacuna.

Anteriormente e luna aki, secretario di defensa Lloyd Austin a bisa cu e lo ta pidiendo e president su permiso pa por haci e vacuna mandatorio pa mita di september of na momento cu Food and Drug Administration duna aprobacion completo na e vacuna, cualkier di dos cu bini prome. Riba dialuna, despues cu e Food and Drug Administration a declara nan veredicto, e Pentagon a declara cu e guianan pa cu e vacunacion lo ser traha y mas informacion lo ser duna den e dianan binidero.

Mandatonan ta bira hopi mas facil ora cu bo tin un aprobacion completo,” segun Dr. Carlos del Rio di Emory University. “Mi ta kere hopi negoshi y establecimento tabata wardnado pa e oportunidad aki.”

E luna aki, New york City, New Orleans y San Francisco tur a impone prueba di vacunacion como rekisito pa por drenta restaurant, bar y otro establecimentonan paden. Na un nivel federal, President Joe Biden a bisa cu e lo rekeri gobierno su trahadonan firma formularionan unda cu nan ta declara cu nan a ser vacuna, y sino lo mester somete nan mes na testnan regular y algun otro rekisito.

Mericanonan ansiosio ta cada biaha hopi mas di acuerdo cu esaki. Mas o menos 6 di 10 hende ta de acuerdo cu e rekisito di ta completamente vacuna pa por biaha of atende eventonan den aire liber, segun un encuesta traha recientemente pa The Associated Press, conhunto cu Public Afairs Research.

E variante delta a hiba casonan, mortonan y hospitalisacionnan na un aumento drastico den e simannan reciente na Merca, cambiando lunanan largo di progreso. E mortonan ta coriendo na mas o menos 1000 pa dia pa prome biaha desde mita di maart, y casonan nobo ta riba un averahe di 147,000 pa dia, cifranana cu ultimo a ser mira den final di januari.

“Pa simannan largo, nos a mira e casonan aumenta na un velocidad alarmante den e individuonan cu no tta vacuna, mientras cu e personanan cu si ta vacuna ta hopi protegi,” Dr. Tomas J. Aragon a bisa, ken ta director di Californa su departamento di salud publico. “Si bo no ta vacuna, laga esaki ta e logro cu ta motivabo di ricibi esaki.”

E Food and Drug Administration, mescos cu reguladornan na Europa y hopi parti den e mundo, inicialmente a duna permiso na e uso di evacuna aki pa motibo di emergencia, basa na un estudio cu a sigui 44,000 persona di edanan 1 bay ariba pa por lo menos 2 luna, e periodo unda cu efectonan secundario serio lo sali.

Esaki ta menos di e luna di datonan pa cu siguridad cu normalmente ta rekeri pa un aprobacion completo. Pa e motibo aki Pfizer a mantene e estudio, y e Food and Drug Administration a monitoria e siguridad di e vacuna den tempo real, dicidiendo si e vacuna ta apto pa ricibi e licensia pa personanan di edad 1 bay ariba, cual a ser studia pa e mayoria di tempo. Pfizer su vacuna te ainda ta ser duna na personanan di 12 pa 1 ana den uso di emergencia so.

Normalmente, dokternan por receta productonan aproba pa Food and Drug Administration pa otro motibonan cu nan uso original. Sinembargo, Woodcok ta conseha y adverti cu e vacuna Pfizer no por ser usa pa muchanan bao di 12 ana.

Ambos Pfizer y Moderna tin investigacionnan pa cu e vacuna den muchanan mas chikito, y ta usando diferente dosis di loke aworaki ta disponibel pa e personan di 12 ana bay ariba. E resultadonan ta premira di conclui den e lunanan binidero.

Tambe Woodcock ta bisa cu e personan cu ta ofrece cuido di salud, ta ofreciendo vacuna di COVID-19 bao acuerdo cu e gobierno cu ta exclui e uso di dialuna su aprobacion como pretexto pa cuminsa ofrece un tercer dosis na e populacion general.

Actualmente, e Food and Drug Administration a autorisa di tres dosis di Pfizer of Moderna su vacuna pa solamente cierto personanan cu tin un sistema inmunologico comprometi, manera recipientenan di transplanter di organo. Pa tur otro persona, e administracion di Biden tin planes di duna e di tresa dosis nan aki den e lunanan binidero, pero Food and Drug Administration ta evaluando e plan aki por separa.

LEAVE A REPLY

Please enter your comment!
Please enter your name here