(TMZ) – Vanessa Bryant, casa di e difunto basketbolista Kobe Bryant ta bisa cu e keds nan cu el a diseña na honor di su casa y yiu Gianna Bryant, ken tambe a fayece na mesun momento cu su tata, a ser revela sin su permiso, argegando cu nan “nan no tabatin mag di traha e keds nan aki na prome luga”

Vanessa Bryant a splica e situacion cu Nike bisando cu na comienso, el a yuda disena un version di e keds nan existene “Kobe 6 Protro” cu tabata pa honora su dos ser nan mas keri cual a fayece tragicamente den un accident di helicopter na aña 2020.

Vanessa ta splica cu e keds nan aki tin e nomber “Mambacina Kobe’s” pa motibo cu nan ta un version di e keds nan “Kobe 6 Protro” cual Kobe Bryant a diseña hunto cu Nike y e nomber “Mambacita” ta e nomber cu su yiu Gianna a ricibi ora cu el a cuminsa hunga Basketball siguiendo pasonan di su tata. Mambacita Kobe’s tin un tema di blanco cu preto cual tabata e color di Gianna su uniform, Gianna su #2 y otro detayenan specifico manera barbulet y halanan di angel.

E problema ta cu Vanessa Bryant a separa di Nike y a termina su contract cu nan prome cu e por a duna aprobacion pa crea e keds nan cu e diseño aki, pero pa algun motibo nan a ser revela y te hasta tin potret circulando di un persona cu e keds aki den man.

“Nike NO a manda ni ami, ni nigun di mi yiunan un di e keds nan aki cu en realidad no mester a ni ser produci” Vanessa ta bisa, “mi no sa con otro persona por tin e keds nan cu ami a diseña den honor di mi yiu y anos no. Mi ta spera cu e keds nan aki no ta den benta.”

Vanessa a conta cu e keds nan aki su produccion tabata pa honora Gianna y su tata Kobe, y cu tur e ganashi cu e keds nan lo a genera tabata di bay 100% como donacion pa e fundacion Mambacita Sports Foundation, cual ta e fundacion di deporte cu e difunto Kobe Bryant mes a funda prome cu el a fayece.

Despues di a conta e meta y significado tras di e keds, Vanessa a pidi tur su siguidonan riba Instagram unda cu el a haci e publicacion, pa yuda haya y contacta e persona cu tin e keds nan aki den su posesion pa asina por sa con e keds nan aki a yega den e persona aki su posesion.

Brandon, ken ta esun cu originalmente a publica potretnan cual segun e ta oficial di e keds casi 3 siman pasa a bisa cu “Nike mes ta responsabel pa e revelacion di e keds y e potretnan oficial” cu el a publica. “Mi kier si pa keda claro cu mi no tin e Mambacita Kobe’s den mi posesion, e potretnan cu mi a publica ta potretnan di producto oficial di un bendedo cu Nike mes a autorisa.”

“E ta duel mi pa Vanessa Bryant, pero e ta keda mas cu claro cu Nike a manda e bendedo aki Mambacita Kobes sin su autorisacion cu e intencion di bende e producto aki.” Brandon ta agrega.